रौतहट, १ असार । मधेश प्रदेश सरकारले आगामी आर्थिक वर्ष २०८३–०८४ का लागि ४१ अर्ब १३ करोड ८६ लाख रुपैयाँको बजेट सार्वजनिक गरेको छ ।
मधेश प्रदेश सभा बैठकमा अर्थमन्त्री युवराज भट्टराई आर्थिक बजेट प्रस्तुत गर्दै राजस्व तथा व्ययको वार्षिक अनुमानित बजेट घोषणा गरेको हो ।
अर्थमन्त्री भट्टराईले प्रस्तुत गरेको बजेट मध्ये चालु खर्चतर्फ १४ अर्ब ६६ करोड अर्थात् ३५.६४ प्रतिशत विनियोजन गरिएको छ भने पुँजीगत खर्चतर्फ २६ अर्ब ४७ करोड अर्थात् ६४.३६ प्रतिशत रकम छुट्याइए । प्रदेश सरकारले विकास निर्माण, पूर्वाधार विस्तार तथा दीर्घकालीन आर्थिक गतिविधिलाई गति दिन पुँजीगत खर्चलाई विशेष प्राथमिकतामा राखेको जनाए ।
अर्थमन्त्री भट्टराईका अनुसार बजेट कार्यान्वयनका लागि आवश्यक स्रोत व्यवस्थापनमा आन्तरिक राजस्वबाट ११ अर्ब २२ करोड ७५ लाख प्राप्त हुने अनुमान गरिएको छ भने राजस्व बाँडफाँटबाट १२ अर्ब ८३ करोड, वित्तीय समानीकरण अनुदानबाट ९ अर्ब ४९ करोड ५९ लाख रुपैयाँ तथा गत आर्थिक वर्षको नगद मौज्दातबाट ६ अर्ब ८ करोड ५२ लाख रुपैयाँ परिचालन गरिनेछ ।
प्रदेश सरकारले आगामी बजेटलाई उत्पादन वृद्धि, पूर्वाधार विकास, कृषि आधुनिकीकरण, स्वास्थ्य सेवा विस्तार तथा सामाजिक सुरक्षासँग जोडेको जनाएको छ । बजेटमार्फत कृषि उत्पादन बढाउने, रोजगारी सिर्जना गर्ने, आधारभूत सेवामा नागरिकको पहुँच विस्तार गर्ने तथा प्रदेशको समग्र आर्थिक गतिविधिलाई चलायमान बनाउने लक्ष्य लिइएको अर्थमन्त्री भट्टराईले बताए ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन