रौतहट, ३ असार । ट्राफिक नियमको पालना तथा सडक सुरक्षासम्बन्धी जनचेतना अभिवृद्धि गर्ने उद्देश्यबाट रौतहट सदरमुकाम गौरमा बुधवार प्रभातफेरी कार्यक्रम गरियो ।
ट्राफिक सप्ताहः अन्तर्गत मधेश प्रदेश गृह, सञ्चार तथा कानुन मन्त्रालय र जिल्ला ट्राफिक प्रहरी कार्यालय रौतहटको आयोजनामा गौरको घण्टाघर चोकमा कार्यक्रममा प्रमुख जिल्ला अधिकारी दिनेशसागर भुसाल, गौर नगरपालिकाका नगरप्रमुख शम्भु साहको अध्यक्षतामा कार्यक्रम सम्पन्न भएको जनाइएको हो ।
प्रभातफेरी कार्यक्रममा नेपाल प्रहरी, सशस्त्र प्रहरी बल, ट्राफिक प्रहरी, स्थानीयवासी, विद्यार्थी तथा शिक्षकहरूको उल्लेख्य सहभागिता रहेको थियो ।
सहभागीहरूले ट्राफिक नियमको पालना, सुरक्षित यात्रा र दुर्घटना न्यूनीकरण सम्बन्धी सन्देशमूलक नारासहित नगर क्षेत्रको परिक्रमा गरेका थिए । आयोजकका अनुसार यस्ता जनचेतनामूलक कार्यक्रमले ट्राफिक अनुशासन कायम गर्न तथा सडक दुर्घटना न्यूनीकरणमा सकारात्मक योगदान पुग्ने अपेक्षा गरिएको जिल्ला ट्राफिक कार्यालय चन्द्रनिगाहपुरका प्रमुख एवं प्रहरी निरीक्षक राजेन्द्र थापा मगरले जानकारी दिए ।


बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन