रौतहट, १० असार । कानुनी व्यवस्थाअनुसार प्रत्येक वर्ष असार १० गतेभित्र नगरसभा सम्पन्न गर्नुपर्ने प्रावधानअनुसार रौतहटको गढीमाई नगरपालिकाले तेह्रौँ नगरसभा सम्पन्न गरेको छ।
नगरसभामा नगर प्रमुख श्यामप्रसाद यादवले आर्थिक वर्ष २०८३/८४ का लागि ५९ करोड २२ लाख ५५ हजार रुपैयाँको बजेट सार्वजनिक गरे । प्रस्तुत बजेटमा पूर्वाधार विकास, शिक्षा, स्वास्थ्य, कृषि, रोजगार तथा सामाजिक विकासका कार्यक्रमलाई प्राथमिकतामा राखिएको नगर प्रमुख यादवले जानकारी दिए।
नगरसभाले स्थानीय तहको नीति तथा कार्यक्रम कार्यान्वयन, समृद्धि र विकासका योजनालाई प्रभावकारी बनाउने विषयमा छलफल तथा निर्णय गरेको छ। साथै चालु आर्थिक वर्षमा विनियोजित योजनाहरूको कार्यान्वयन अवस्थाबारे पनि समीक्षा गरिएको थियो।
नगर सभाको मुख्यमन्त्री कृष्णप्रसाद यादवले उदघाटन गर्दै गढिमाई नगरपालिकामा प्रदेशको बहुसंख्यक बजेटहरु समाबेश गरिएको चर्चा गरे । आफ्नो गृह नगर रहेको हुदा यहाँका विकासमा ठोस योजनाहरु समावेश गरिएको बताए ।
नगरसभामा जनप्रतिनिधि, कर्मचारी तथा विभिन्न सरोकारवाला निकायका प्रतिनिधिहरूको सहभागिता रहेको थियो।
सभामा बोल्ने मौका नदिएपछि वडा नम्बर १ का वडाध्यक्ष रामपुकार यादवले असन्तुष्टि व्यक्त गर्दै नगरसभा औचित्यहिन रहेकाे आक्रोश व्यक्त गरे ।



बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन