सर्लाही, २३ असार । नेपाल–भारत सीमा क्षेत्रमा अवैध ओसारपसार नियन्त्रणका क्रममा नेपाल सीमा सुरक्षा गुल्म, मलंगवाले एकै दिन दुई छुट्टाछुट्टै कारबाही गर्दै करिब सबा करोड भन्दा बढि मूल्य बराबरको अबैध मालसामानहरु बरामद गर्न सफल भएका छन् ।
गएको असार २१ गते राति करिब ९ः३० बजे मलंगवा नगरपालिका–२ स्थित भन्सार चेकपोष्टमा सशस्त्र प्रहरी निरीक्षक रवि भुजेलको कमाण्डमा खटिएको टोलीले नेपालबाट भारततर्फ अवैध रूपमा लैजान लागिएको प्रदेश २–०४–००१ च ००९३ नम्बरको पिकअप गाडीलाई जाँच गर्दा नियन्त्रणमा लिएका थिए ।
उक्त चेक जाँचको क्रममा गाडीभित्र करिब १ लाख ७० हजार बराबरको एक सय क्युविक फिटको (२२ थान) काठ, ६० हजार बराबरको एक सेट बक्स पलङ तथा ५ लाख रुपैयाँ मूल्यको गाडी गरी कुल ७ लाख ३० हजार बराबरको सामान बरामद गरिएको मलंगवा स्थित सशस्त्र प्रहरी गुल्मले जनाए ।
उक्त घटनामा गोरखा घर भएका ३५ वर्षीय डोरबहादुर उपरकोटी र भारतको बिहार राज्य सितामढी जिल्लाको बोखरा निवासी २८ वर्षीय मुकेश शर्मालाई नियन्त्रणमा लिई थप अनुसन्धान भइरहेको गुल्मपति एवं डिएसपी विष्णु अधिकारीले जानकारी दिए ।
यसैगरी, सोही दिन दिउँसो करिब ३ बजे हरिपूर्वा नगरपालिका–३ धनकौल स्थित सत्यनारायण साह तेलीले सञ्चालन गरेको कपडा पसलमा अवैध रूपमा लत्ताकपडा लुकाइछिपाइ राखिएको भन्ने विशेष सूचनाका आधारमा नेपाल सीमा सुरक्षा गुल्म मुख्यालय मलंगवाबाट डिएसपी अधिकारीको कमाण्डमा ४० जनाको टोली, सर्लाही भन्सार कार्यालय तथा जिल्ला प्रशासन कार्यालय सर्लाहीको संयुक्त टोलीले छापा मारेको थियो ।
संयुक्त कारवाहीमा राजस्व छलीका ९७ लाख १९ हजार ६३० रुपैयाँ बराबरका विभिन्न प्रकारका अवैध लत्ताकपडा बरामद गरियो । बरामद गरिएका सामानहरुलाई आवश्यक कारबाहीका लागि मलंगवा भन्सार कार्यालयमा बुझाइएको डिएसपी अधिकारीले भने ।
सीमावर्ती क्षेत्रमा हुने अवाञ्छित गतिविधिलाई नियन्त्रण गर्न सशस्त्र प्रहरी खटिरहदा पनि छिटफुट रुपमा चोरी निकासी भईरहेको हुँदा पूर्ण रुपमा नियन्त्रणका लागि सबै पक्षको सहयोग आवश्यक रहेको बताए ।

बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन