निजगढ, ३० असार । जनकपुरधाम–काठमाडौं सम्म ‘पैदल न्याय मार्च’ गर्दै अघि बढिरहेका मिटरब्याज पीडितहरु संग गृहमन्त्री सुदन गुरुङ प्रत्यक्ष रुपमा भेटघाट गरेर संवाद गर्न मंगलवार विहान बाराको निजगढ आइपुग्नु भएको छ ।
निजगढ स्थित उद्योग वाणिज्य संघको सभाहलमा आज विहान देखि भईरहेको वार्ता एवं संवाद अहिले पनि जारी रहेको हो ।
गृहमन्त्री गुरुङलाई पीडितहरुले ज्ञापनपत्र बुझाएको छ । पीडितहरूको आन्दोलनकै क्रममा गृहमन्त्री स्वयं उनीहरूलाई भेट्न निजगढ पुगेपछि प्रत्यक्ष संवादसहित ज्ञापनपत्र हस्तान्तरण गरिएको हो ।
जारी छलफलमा पीडितहरूले वर्षौंदेखि भोग्दै आएको अन्याय, आर्थिक तथा सामाजिक पीडा, न्यायको माग र सरकारसँगका अपेक्षाबारे विस्तारमा जानकारी गराए । जवाफमा गृहमन्त्री गुरुङले पीडितहरूको गुनासा गम्भीरतापूर्वक सुनेर समस्या समाधानका सम्भावित उपायबारे पहल गर्ने प्रतिबद्धता व्यक्त जनाए ।
जनकपुरधामबाट सुरु गरिएको ‘पैदल न्याय मार्च’ मार्फत मिटरब्याज पीडितहरूले आफ्ना माग सरकारसमक्ष पुर्याउने अभियान जारी राखेका छन् । गृहमन्त्री सँगको प्रत्यक्ष भेट र ज्ञापनपत्र बुझाउने घटनालाई पीडितहरूले आफ्ना माग सम्बोधन तर्फको महत्वपूर्ण उपलब्धिको पहिलो खुडकिलोको रुपमा लिएका छन् ।

बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन