एआईको सहयोगमा तयार पारिएका तस्वीर ।
नयाँदिल्ली, १ साउन । शिक्षाविद् तथा जलवायु अभियन्ता सोनम वाङचुकको अनिश्चितकालीन अनशन शुक्रबार २० औँ दिनमा प्रवेश गरेको छ ।
लामो समयदेखि जारी अनशनका कारण स्वास्थ्य अवस्था गम्भीर बन्दै गएको चिकित्सकहरूले चेतावनी दिए पनि वाङचुकले “जसरी पनि २० जुलाई सम्म जीवित रहने” दृढ अडान व्यक्त गरेको हो ।
निट परिक्षामा भएको अनियमितताको विरोधमा ’ककरोच जनता पार्टी’ (सीजेपी) ले नयाँ दिल्ली स्थित जन्तरमन्तरमा सञ्चालन गरिरहेको आन्दोलन भने २८ औँ दिनमा पुगेको छ । आन्दोलनको क्रममा २० जुलाईमा संसद् भवनतर्फ प्रस्तावित मार्चलाई सफल बनाउन वाङचुकले देशभरका नागरिकलाई व्यापक रूपमा सहभागी हुन आह्वान गरेका छन् ।
प्रदर्शनस्थलमा समर्थकहरूलाई सम्बोधन गर्दै वाङचुकले आफ्नो शारीरिक अवस्था दिनप्रतिदिन कमजोर बन्दै गएको स्वीकार गरे पनि आन्दोलनका मागबाट पछि नहट्ने स्पष्ट पारे । उनले लोकतान्त्रिक अधिकारको सम्मान गर्दै आन्दोलन प्रति ऐक्यबद्धता जनाउन सबैलाई आग्रह गरे ।
लामो समय देखि जारी अनशन सँगै वाङचुकको स्वास्थ्यप्रति चिन्ता बढिरहेका बेला प्रस्तावित संसद् मार्चलाई लिएर राजधानी दिल्लीमा राजनीतिक तथा सुरक्षा चासो पनि बढ्न थालेको छ ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन