एआईको सहयोगमा तयार पारिएको साँकेतिक तस्वीर हो ।
रौतहट, १ साउन । जिल्ला अदालत रौतहटको शौचालयबाट फरार भएका एक थुनुवालाई रौतहट प्रहरीले फरार भएको करिब डेढ घण्टामै पुनः पक्राउ गर्न सफल भएको छ ।
मोटरसाइकल चोरी मुद्दामा फरार रहेका गढीमाई नगरपालिका–६ का २५ वर्षीय करणकुमार यादवलाई पक्राउ गरी अनुसन्धानका लागि न्यायिक हिरासतको अनुमति लिन जिल्ला अदालत गौर लगिएको थियो । अदालत परिसरको दक्षिण दिशामा रहेका शौचालय जाने बहाना बनाएर उनी शुक्रबार अपराह्न करिब ४ बजे प्रहरीको निगरानीबाट उम्किए ।
थुनुवा फरार भएपछि जिल्ला प्रहरी कार्यालयका साथै जिल्लाभरका प्रहरी युनिट तत्काल परिचालन भई व्यापक खोजी अभियान सञ्चालन गरिएको थियो । खोजतलासका क्रममा फरार यादवलाई यमुनामाई गाउँपालिका अन्तर्गत गौर–चन्द्रपुर सडकखण्डको बम नहर क्षेत्रबाट प्रहरीले पुनः नियन्त्रणमा लिन सफल भएको छ ।
घटनाबारे जिल्ला प्रहरी कार्यालय रौतहटका एसपी सीताराम रिजालले थुनुवालाई अदालत लैजाने जिम्मेवारीमा रहेका प्रहरी जवानमाथि समेत अनुसन्धान भइरहेको जानकारी दिए । घटनामा लापरबाही देखिए आवश्यक विभागीय कारबाही गरिने उनले बताए ।
अदालत परिसरबाट थुनुवा फरार हुनु सुरक्षा व्यवस्थामाथि गम्भीर प्रश्न उठाउने घटना भए पनि प्रहरीले छोटो समयमै फरार अभियुक्तलाई पुनः पक्राउ गरेर प्रहरी माथिको विश्वास गुम्न दिएनन ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन