रौतहट, ४ साउन । रौतहटको दुर्गा भगवती गाउँपालिकामा सामाजिक सुरक्षा भत्ता वितरणमा भएको व्यापक अनियमितता प्रकरणमा तत्कालीन निमित्त प्रमुख प्रशासकीय अधिकृत प्रमोदकुमार ठाकुर सहित ४२ जनाविरुद्ध विशेष अदालत काठमाडौंमा भ्रष्टाचार मुद्दा दायर गरिएको छ ।
विशेष अदालतमा मुद्दा दर्ता भएसंगै दुर्गा भगवतीमा तरंग उत्पन्न भएको हो । रौतहटमै शिक्षित गाउँको रुपमा स्थापित रहेका दुर्गा भगवती गाउँपालिका–३ मत्सरी गाउँका अगुवा एवं अभिभावकत्व ग्रहण गरेका व्यक्तिद्वारा अशिक्षित एवं अपरिपक्क कार्य गर्दा सिंगो देशमा आज मत्सरीको नाम धुमिल हुन पुगेको छ ।
मत्सरीको नाम सधैं उच्च स्तरमा स्थापित गर्न यहाँका युवापुस्ताहरु निरन्तर रुपमा परिश्रम गरेर देशविदेशमा नाम मत्सरीको सम्मान एवं आदरपूर्वक लिने गर्दछ तर आज विशेष अदालतमा मुद्दा दर्ता संगै अर्का युवा पुस्ताको कार्यले गर्दा मत्सरीको नाममाथि कालो धब्बा लगाउने कार्य भएका छन् ।
अख्तियार दुरुपयोग अनुसन्धान आयोगले सार्वजनिक सम्पत्तिको हिनामिना, सरकारी कागजातमा झुट्टा विवरण सच्याई भ्रष्टाचार गरेको आरोपमा ठाकुर सहित वडा नम्बर–३ का वडाध्यक्ष धर्मेन्द्रकुमार झा (डिके), वडा सचिव उमेश चौधरी लगायत ४२ जनालाई प्रतिवादी बनाउँदै विशेष अदालतमा मुद्दा दायर गरेका हुन् ।
आयोगका अनुसार उनीहरूले आपसी मिलेमतोमा सामाजिक सुरक्षा भत्ता वितरण प्रणालीमा झुट्टा विवरण प्रविष्टि तथा अद्यावधिक गरी योग्यता नपुगेका व्यक्तिहरूलाई आर्थिक वर्ष २०७४÷७५ देखि २०८१÷८२ सम्म गैरकानुनी रूपमा वृद्धभत्ता, दलित भत्ता तथा विधवा भत्ता वितरण गरेको गम्भीर अभियोग लगाइएकोछ ।
अख्तियारद्वारा गरिएको अनुसन्धानबाट सामाजिक सुरक्षा भत्ता शीर्षकमा ३२ लाख २४ हजार १ रुपैयाँ बराबरको सार्वजनिक सम्पत्ति हिनामिना भएको पुष्टि भएको आरोपपत्रमा उल्लेख छ ।
यसअघि दुर्गा भगवती गाउँपालिका–३, मत्सरीमा सामाजिक सुरक्षा भत्तामा अनियमितता भएको उजुरी परेपछि अख्तियारले विस्तृत अनुसन्धान अघि बढाएको थियो ।
अनुसन्धानबाट सार्वजनिक सम्पत्तिमा ठूलो क्षति पुगेको निष्कर्ष निकाल्दै आयोगले सबै प्रतिवादी विरुद्ध विशेष अदालतमा भ्रष्टाचार मुद्दा दायर गरेको छ ।
स्मरण रहोसः गलत एवं झुठो विवरण प्रमाणित हुने वडाको बासीको नाताले आज हामी धेरै लज्जित भएका छौं कि हामी कस्तो कच्चा युवालाई चुनेर पठायौं कि सबैको मानसम्मान माथि कालो धब्बा लगाउने कार्य गर्यो ? हुनत धेरै पहिला देखि नै यस प्रकरणको देशभरी चर्चा चलेका थिए त्यसको आज प्रमाणित भएको दिनको रुपमा सधैं स्मरण गरिनेछ ।
Press-Release-२०८३-०४-०४ प्रमोद कुमार ठाकुरसमेत (1)
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन