सर्लाही, ११ साउन । सर्लाहीको बलरा नगरपालिका भएर भारततर्फ तस्करीका लागि लैजादै गरिएको आशंकामा मदिरा लोड गरिएका दुई वटा पिकअप नेपाल प्रहरीले नियन्त्रणमा लिएको छ ।
स्थानीय प्रत्यक्षदर्शीका अनुसार सोमबार बिहान करिब ९ बजे बलरा नगरपालिका–३ लक्ष्मिपुर सीमा क्षेत्रबाट प्रदेश २–०३–००१ ख ५१३५ नम्बरको बोलेरो पिकअप नियन्त्रणमा लिइएको हो । त्यसैगरी बिहान करिब ११ बजे बलरा नगरपालिका–१ सेढवाबाट प्रदेश २–०३–००१ च ५६६८ नम्बरको अर्को पिकअप पनि नियन्त्रणमा लिइएको छ ।
स्थानीयका अनुसार दुवै सवारीसाधनमा ठूलो परिमाणमा सौफी मदिरा लोड गरिएको थियो र भारततर्फ लैजाने क्रममा प्रहरीले नियन्त्रणमा लिएको बताइएको छ । प्रत्यक्षदर्शीले नियन्त्रणमा लिइएका दुवै पिकअपलाई इलाका प्रहरी कार्यालय गडहियामा राखेर आवश्यक अनुसन्धानको लागि राखिएको छ ।
जिल्ला प्रहरी कार्यालय सर्लाहीका सूचना अधिकारी एवं डिएसपी बेदप्रसाद गौतमले पिकअप नियन्त्रणमा लिइएको विषयमा प्रारम्भिक जानकारी प्राप्त भएको पुष्टि गर्दै विस्तृत विवरण संकलन भइरहेको र अनुसन्धान पूरा भएपछि थप जानकारी सार्वजनिक गरिने बताए ।
यस घटनासँगै बलरा सीमा नाकाबाट मदिरा सहित विभिन्न सामानको अवैध ओसारपसार हुने गरेको भन्दै स्थानीयले चिन्ता व्यक्त गरे । सशस्त्र प्रहरीको भुमिका माथि स्थानीयवासीले सीमा क्षेत्रमा हुने तस्करी नियन्त्रण गर्ने प्रभावकारिता माथि प्रश्न उठाए ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन