सुनसरी, ११ साउन । सुनसरीको देवानगन्जमा कफ्र्यू आदेशको अवज्ञा गर्दै प्रदर्शनकारी सडकमा उत्रिएपछि स्थिति नियन्त्रणबाहिर गएपछि नेपाली सेना मोर्चा सम्हालेका छन् ।
आइतबार रातिबाट सुरु भएको तनाव सोमबार पनि कायम रहँदा प्रदर्शनकारीले कफ्र्यू तोडेर प्रदर्शन गरेका हुन् । प्रदर्शनका क्रममा आगजनी र तोडफोड भएपछि सुरक्षा अवस्था थप जटिल बन्दै गएपछि नेपाली सेनालाई परिचालन गरिएका हुन् ।
देवानगन्ज गाउँपालिका–३ कप्तानगन्जमा आइतबार राति भएको झडपका क्रममा प्रहरीको गोली लागेर स्थानीय ओमप्रकाश मेहताको मृत्यु भएको थियो । सोही घटनामा अन्य नौ जनालाई गोली लागेर घाइते भएका छन् ।
घटनापछि जिल्ला प्रशासन कार्यालय सुनसरीले सोमबार बिहान देखि देवानगन्ज तथा आसपासका पाँच क्षेत्रमा कफ्र्यू आदेश जारी गरेको थियो । तर, प्रदर्शनकारीले कफ्र्यू उल्लंघन गर्दै मध्याह्न देखि प्रदर्शन जारी राखेपछि अवस्था नियन्त्रणमा लिन नेपाली सेना परिचालन गरिएको सुनसरीका प्रमुख जिल्ला अधिकारी बासुदेव घिमिरेले बताए ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन