जनकपुरधाम, १४ साउन । जिल्ला प्रशासन कार्यालय धनुषाले सुरक्षा अवस्थालाई मध्यनजर गर्दै जनकपुरधाम सहितका संवेदनशील क्षेत्रमा अर्को आदेश नभएसम्मका लागि कर्फयु आदेश जारी गरेको छ ।
प्रमुख जिल्ला अधिकारी प्रेम प्रसाद भट्टराई ले बिहीबार जारी गरेको आदेशअनुसार जिल्ला सुरक्षा समितिको निर्णयपछि आज दिउँसो ३ः३० बजेदेखि स्थानीय प्रशासन ऐन, २०२८ को दफा ६ (क) बमोजिम कर्फयु जारी गरिएको हो ।
कफ्र्यु अवधिमा तोकिएको क्षेत्रमा आवतजावत, भेला, जुलुस, प्रदर्शन, सभा तथा घेराउ लगायतका सबै गतिविधि पूर्ण रूपमा निषेध गरिएको छ । प्रशासनले लक्ष्मीनिया, बेलौनी रोड, नगराइन, सिङ्गरजोडा, दुधमती पुल, इस्कोन, कादरी मस्जिद लगायतका संवेदनशील क्षेत्रलाई कर्फयुको दायरामा राखेको जनाए ।
जिल्ला प्रशासन कार्यालयले कर्फयु आदेशको उल्लङ्घन गर्ने जो–कोहीलाई प्रचलित कानुन बमोजिम कडा कारबाही गरिने चेतावनी दिएको छ । साथै शान्ति, सुरक्षा र सार्वजनिक सुव्यवस्था कायम राख्न प्रशासनसँग सहयोग गर्न सर्वसाधारणलाई आग्रह गरिएको सहायक प्रमुख जिल्ला अधिकारी भुदेव झाले जानकारी दिए ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन