काठमाडौं, २२ साउन । नेपालका लागि चिनियाँ राजदूत चाङ माओमिङले चीन–नेपाल सहकार्य दक्षिण एसियाली मुलुकबीचको सफल द्विपक्षीय साझेदारीको उदाहरण बनेको ।
उनले नेपाल र चीन बीचको सहकार्यले क्षेत्रीय स्थिरता, आर्थिक समृद्धि तथा साझा विकासमा महत्वपूर्ण योगदान पुर्याउने विश्वास व्यक्त गरे हो ।
शुक्रबार नेपाल इन्स्टिच्युट फर इन्टरनेसनल कोअपरेसन एन्ड इन्गेजमेन्ट (एनआईआईसीई) र चीनको फुदान विश्वविद्यालय अन्तर्गतको दक्षिण एसिया अध्ययन केन्द्रद्वारा आयोजित ‘बहु ध्रुवीय विश्वमा चीन र दक्षिण एसिया’ विषयक अन्तर्राष्ट्रिय गोष्ठीलाई सम्बोधन गर्दै राजदूत माओमिङले चीन र दक्षिण एसिया बीचको सहकार्यलाई अझ मजबुत बनाउन नेपालले महत्वपूर्ण भूमिका खेल्न सक्ने बताए ।
उनले चीन र दक्षिण एसिया केवल भौगोलिक रूपमा मात्र नभई ऐतिहासिक, सांस्कृतिक र सभ्यतागत सम्बन्धले पनि जोडिएको उल्लेख गर्दै क्षेत्रीय सम्पर्क, व्यापार, लगानी र आर्थिक विकासका लागि सहकार्यका विशाल सम्भावना रहेको स्पष्ट पारे ।
राजदूत माओमिङले विश्व अहिले तीव्र परिवर्तनको चरणमा रहेको उल्लेख गर्दै क्षेत्रीय द्वन्द्व, एकपक्षीयता र प्रभुत्ववादी प्रवृत्तिले विश्व शान्ति र विकासमा गम्भीर चुनौती सिर्जना गरिरहेको बताए । उनले विश्व फेरी ‘जङ्गलको कानुन’ तर्फ फर्किने जोखिम रहेको भन्दै दक्षिण एसियाली मुलुकहरूले एकताबद्ध भएर क्षेत्रीय स्थिरता कायम गर्नुपर्नेमा जोड दिए ।
उनका अनुसार पछिल्लो समय दक्षिण एसियाले निरन्तर आर्थिक वृद्धि हासिल गरेको छ, जसले विश्वको बहु ध्रुवीय व्यवस्थाको विकास र ‘एसियाली शताब्दी’ को उदयलाई थप बल पुर्याउनमा मद्दत पुग्ने विश्वास गरिएको छ ।
राजदूतले चीनका राष्ट्रपति सी चिनफिङले दक्षिण एसियाली मुलुक सँगको सम्बन्धलाई उच्च प्राथमिकतामा राख्दै आएको उल्लेख गर्दै पछिल्लो एक वर्षमा नेपाल, भारत, पाकिस्तान, श्रीलंका, बंगलादेश र माल्दिभ्सका नेताहरूसँग भएका भेटवार्ताबाट क्षेत्रीय समृद्धि र परम्परागत मित्रतालाई थप मजबुत बनाउने समझदारी बनेको बताए ।
राजदूत माओमिङले सन् २०२६ चीनको १५ औँ पञ्चवर्षीय योजनाको सुरुवात तथा नेपालमा नयाँ सरकारको पहिलो वर्ष भएकाले दुई देशबीच रणनीतिक समन्वय र साझा विकासका लागि नयाँ अवसर सिर्जना भएको बताए ।
उनले चीन नेपालसँग मिलेर दुई देशका शीर्ष नेताबीच भएका समझदारी कार्यान्वयन गर्न, उच्च गुणस्तरको बेल्ट एन्ड रोड सहकार्यलाई थप विस्तार गर्न तथा पूर्वाधार, व्यापार, लगानी र विकासका विभिन्न क्षेत्रमा व्यावहारिक सहकार्य अझ सुदृढ बनाउन पूर्ण रूपमा तयार रहेको स्पष्ट पारे ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन