रौतहट, २४ साउन । भारतीय प्रधानमन्त्री नरेन्द्र मोदीले ऐतिहासिक ‘भारत छोडो आन्दोलन’ (Quit India Movement) मा सहभागी सबै स्वतन्त्रता सेनानी प्रति सम्मान व्यक्त गर्दै उनीहरूको साहस र योगदान प्रत्येक भारतीयका लागि सधैं प्रेरणाको स्रोत रहने बताए ।
प्रधानमन्त्री मोदीले सामाजिक संजाल एक्समा पोष्ट गर्दै महात्मा गान्धीको नेतृत्वबाट प्रेरित ‘भारत छोडो’ आह्वानले भारतको स्वतन्त्रता संग्राममा नयाँ ऊर्जा सञ्चार गरेको स्मरण गरेका हुन् ।
उनका अनुसार उक्त आन्दोलनले औपनिवेशिक शासनबाट मुक्त हुने भारतीय जनताको दृढ सङ्कल्पलाई स्पष्ट रूपमा प्रतिबिम्बित गर्दै दिशानिर्देश गरेको थियो ।
मोदीले ऐतिहासिक आन्दोलनमा सहभागी भएका सबै विरयोद्धाको योगदानलाई स्मरण गर्दै उनीहरूको साहस, त्याग र राष्ट्रप्रतिको समर्पणलाई सम्मान गरेका हुन् ।
‘भारत छोडो आन्दोलन’ भारतीय स्वतन्त्रता संग्रामको महत्वपूर्ण मोडका रूपमा स्थापित भएको उल्लेख गर्दै उनले त्यस आन्दोलनले स्वतन्त्रताका लागि भारतीय जनताको सामूहिक भावना र दृढ इच्छाशक्तिलाई थप बलियो बनाएको बताए ।
मोदीले स्वतन्त्रता संग्रामका वीरहरूको योगदानबाट वर्तमान पुस्ताले प्रेरणा लिनुपर्ने सन्देश समेत दिए ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन