जनकपुरधाम, २८ पुस । नेपालमा बसेर विरोधी गतिविधि गर्दै आएको चीनको हस्तक्षेपकारी कदम विरुद्ध जनकपुरमा मंगलवार साँझ उग्र प्रर्दशन भएको छ ।
राष्ट्रिय एकता अभियानले मंगलबार साँझ चिनियाँ हस्तक्षेपकारी कदमविरुद्ध विरोध प्रदर्शन गरेको हो । राष्ट्रिय एकता अभियानका संयोजक विनय यादवको नेतृत्वमा भएको विरोध प्रदर्शनका क्रममा नेपालका लािग चिनियाँ राजदुत होउ यान्छिको पुत्ला जलाएर प्रदर्शन गरेका छन् ।
दर्जनौं मानिस सहभागी भएको विरोध प्रदर्शनका क्रममा गो ब्याक चाइना एवं चीन मुर्दावाद भन्दै विरोधकर्ताहरुले नारा लगाए । चिनियाँ हस्तक्षेप बन्द गर, सीमा अतिक्रमण बन्द गर, अघोषित नाकाबन्दी खुल्ला गर र नेपाली विद्यार्थीहरुको पढाइ सुचारु गर भन्ने नारासहित उनीहरुले विरोध प्रदर्शन गरेका हुन् ।
खास गरी चीनले अहिले नेपाली भुमी प्रयोग गरी भारतविरुद्ध रणनीतिक कमद चाल्ने योजनाका साथ कमला नदीमाथि अघि बढाइरहेको योजनामाथि समेत विरोधकर्ताहरुले संकेत गरेका छन् । सिन्धुली हुँदै उदयपुर, सिरहा र धनुषाको सिमाना भएर बग्ने नेपालको महत्वपूर्ण नदी कमलामा भण्डारण तथा अन्य प्रयोजनका लागि चिनियाँ कम्पनीले काम अघि बढाउन तयारी गरेको छ ।
चीनले नेपाली भुमी प्रयोग गरी भारतविरुद्ध रणनीतिक कदम चाल्न सक्ने र तीनै देशबीचको सम्बन्धलाई विथोल्न चीन सक्रिय रहेको आरोप लगाउदै चीनविरुद्ध प्रदर्शन गरिएका छन् ।

बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन