रौतहट, ३१ साउन । नेपाल नेत्र ज्योति संघद्वारा संचालित गौर आँखा अस्पताल पुरेनवाले नागरिकको घरदैलोमा पुगेर प्रदान गर्दै आएको निःशुल्क आँखा परिक्षण तथा शल्यक्रिया अभियान निरन्तर रुपमा जारी राखेका छन् ।
गौर आँखा अस्पतालले मानविय क्षेत्रमा पुर्याउदै आएका प्रति स्थानीय बासिन्दाहरु उत्साहित भएर शिविरमा उपस्थित भई आँखाको परिक्षण गराईरहेका हुन् ।
रुइत फाउण्डेशनको आर्थिक सहयोग, गौर आँखा अस्पतालको प्राविधिक एवं चिकित्सा तथा उज्यालो टीभी सहकार्य, पूर्व विद्याथी समाज मलाहीटोल र लायन्स क्लव रौतहट समनपुरको स्थानीय आयोजनामा एक दिने निःशुल्क आँखा शिविर भव्य रुपमा सम्पन्न भएका छन् ।
मलाही टोलमा आज सम्पन्न भएको एक दिने निःशुल्क आँखा परिक्षण शिविरमा २३५ महिला र १८४ पुरुष गरेर ४१९ जनाले विशेष परामर्श तथा आँखा परीक्षण सेवा प्राप्त गरे भने जाँच भएका मध्ये ९४ जना मोतिबिन्दुका बिरामीलाई लेन्स सहितको निःशुल्क शल्यक्रियाका लागि छनोट गरिएको शिविरका कार्यक्रम संयोजक सत्येन्द्र पाण्डेले जानकारी दिए ।
२३३ जना स्थानीयलाई आवश्यक औषधि सहित विशेष परामर्श सेवा प्रदान गरियो । छनोट भएका बिरामीहरूको शल्यक्रियाका लागि अस्पतालकै खर्चमा आवश्यक यातायातको समेत व्यवस्था गरिने संयोजक पाण्डेले स्पष्ट पारे ।
शिविरमा नेत्र अधिकृत शिवकुमार यादव, लालबाबु साह, लायन्स क्लवका रामसागर साह लगायत सञ्चारकर्मी तथा समाजका लब्ध प्रतिष्ठीत व्यक्तिहरुको उपस्थिति रहेको थियो ।



बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन