सर्लाही, २ भदौं । सर्लाहीको लालबन्दी नगरपालिका क्षेत्रबाट लागुऔषध गाँजा सहित तीन जनालाई नियन्त्रणमा लिएको छ ।
जिल्ला प्रहरी कार्यालय सर्लाहीले जारी गरेको प्रेस नोटमा, लालबन्दी नगरपालिका–९ नवलपुर स्थित अज्जली हस्पिटल अगाडिबाट लालबन्दीतर्फ जाँदै गरेको अटोलाई चेकजाँच गर्ने क्रममा प्रहरीले २२ किलो ८२० ग्राम गाँजा सहित तीन जनालाई नियन्त्रणमा लिएको हो ।
इलाका प्रहरी कार्यालय नवलपुरलाई प्राप्त भएको विशेष सूचनाको आधारमा खटिएको टोलीले प्रदेश ०३–००१ ह २४४५ नम्बरको अटो रोकेर जाँच गर्दा अटोभित्र लुकाइछिपाइ राखिएको अवस्थामा पाँच पोकामा गरी उक्त परिमाणको गाँजा फेला परेको सर्लाही प्रहरीका प्रवक्ता एवं डिएसपी बेदप्रसाद गौतमले जानकारी दिए ।
गाँजासहित अटो चालक सर्लाही हरिवन नगरपालिका–२ चुरेकालीका ३० वर्षीय सुशील साह तथा अटोमा सवार २५ वर्षीया जगतारन साह र २५ वर्षीया राधिका साहलाई प्रहरीले नियन्त्रणमा लिएको उनले भने ।
पक्राउ परेका तीनै जनामाथि लागूऔषध मुद्दामा जिल्ला अदालत सर्लाहीबाट ७ दिनको म्याद थप लिएर थप अनुसन्धान भइरहेको डिएसपी गौतमले जानकारी दिए ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन