काठमाडौं, २९ पुस । नेपालमा सुरु भएको कोरोनाको तेश्रो लहरबाट उच्च पदस्थ व्यक्ति एवं नेताहरु संक्रमित हुने गरेका छन् ।
नेपालको संघिय राजधानी काठमाडौंमा कोरोना संक्रमण पछिल्लो ८ दिनमा आठ गुणाले बढेपछि नेपाल सरकारले स्मार्ट लकडाउन लगाउने निर्णय गरेका हुन् । काठमाडौं उपत्यका सहित देशका विभिन्न जिल्लामा सार्वजनिक स्थानमा २५ जनाभन्दा बढी भेला हुने माथि रोक लगाएको छ ।
सभा सम्मेलन नगर्न निर्देशन जारी गरेको छ । देशमा कोरोनाको तेस्रो लहर ल्याउनमा माओवादी केन्द्रको महाधिवेशन स्थल नै हटस्पट बन्न पुगेको छ । यदि माओवादीले ८÷८ दिनसम्म दुई हजार बढी मानिसलाई प्रज्ञा प्रतिष्ठान कमलादीको हलमा थुनेर बन्दसत्र नगरेको भए अहिलेको जस्तो संक्रमण तीव्र फैलन नसक्ने चिकित्सकहरू बताउँछन् ।
माओवादी महाधिवेशन स्थलमा सहभागी भएका थिए त्यसमध्ये ८० प्रतिशतलाई कोरोना संक्रमण भएको बुझिएको छ । तिनै मार्फत परिवार र आफन्त तथा साथीभाइहरुमा संक्रमित भएका छन् । माओवादी केन्द्रका अध्यक्ष पुष्पकमल दाहाल प्रचण्डलाई बधाई दिन गएका र उनीसँग सम्पर्कमा आएका जति कोही पनि अछुतो छैनन् । सबैमा कोरोना संक्रमण देखिएको छ ।
कति भने पाँच दलीय गठबन्धनको बैठकमा सहभागी एकीकृत समाजवादी पार्टीका अध्यक्ष माधवकुमार नेपाल समेत कोरोना संक्रमित भएका छन् । प्रधानमन्त्री शेरबहादुर देउवामा भने रिपोर्ट नेगेटिभ आएको छ । अहिले सहर बजारमा माओवादी नेताहरूकै कारण संक्रमण देशव्यापी फैलिएको चर्चा चल्ने थालेका छन् ।
महाधिवेशनमा देशभरबाट प्रतिनिधि आएको र उनीहरू आ–आफ्नो गाउँमा गएकाले सम्पर्कमा आएका जति सबैलाई कोरोना संक्रमण देखिएको छ । केही दिनयता माओवादी नेताहरू एक दुईबाहेक सबै घरघरमै स्वास्थ्यलाभ लिएर बसेका छन् ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन