रौतहट, ५ भदौ । मधेस प्रदेश सरकारद्वारा सुचना प्रविधिकोे क्षेत्रमा सूचना प्रवाहलाई प्रभावकारी बनाउन नेपाल पत्रकार महासंघको आठै शाखालाई आवश्यक प्रविधि तथा उपकरण हस्तान्तरण गरेका छन् ।
मधेस प्रदेश सरकारको गृह, सञ्चार तथा कानुन मन्त्रालयले मीडिया काउन्सिल मधेस प्रदेश, जनकपुरधामको समन्वयमा जनकपुरधाम स्थित मन्त्रालयको कभर्ड हलमा आयोजित विशेष कार्यक्रममा महासंघका आठ वटै शाखालाई कम्प्युटर, प्रिन्टर, प्रोजेक्टर लगायतका सञ्चार सामग्री हस्तान्तरण गरेका हुन् ।
मधेशमा पत्रकारितालाई सशक्तीकरण, व्यावसायिकता प्रवद्र्धन तथा सूचना प्रवाहलाई प्रभावकारी बनाउने उद्देश्यले आयोजित कार्यक्रममा मधेस प्रदेशका गृह तथा सञ्चारमन्त्री फकिरा महतो र मीडिया काउन्सिल मधेस प्रदेशकी कार्यवाहक अध्यक्ष बन्दना झाले संयुक्त रूपमा आठवटै जिल्लाबाट उपस्थित नेपाल पत्रकार महासंघका अध्यक्ष तथा प्रतिनिधिलाई सामग्री हस्तान्तरण गरे ।
गृहमन्त्री महतोले उपलब्ध गराइएका प्रविधि तथा उपकरणबाट जिल्लास्तरमा नेपाल पत्रकार महासंघका गतिविधि सञ्चालन गर्न सहज हुनुका साथै सूचना संकलन, व्यवस्थापन तथा प्रवाहलाई थप व्यवस्थित र प्रभावकारी बनाउन महत्वपूर्ण सहयोग पुग्ने विश्वास व्यक्त गरे ।
पत्रकारिता क्षेत्रको संस्थागत क्षमता अभिवृद्धि गर्दै सूचना प्रवाहलाई थप चुस्त एवं व्यवसायी बनाउन राज्यका तर्फबाट आवश्यक सहयोग र सहकार्य निरन्तरता रहने बताए ।
प्रदेश सरकारबाट प्राप्त सञ्चार उपकरणले जिल्लास्थित नेपाल पत्रकार महासंघका कार्यालय तथा गतिविधिलाई प्रविधिमैत्री बनाउन सहयोग पुग्ने उद्देश्यका साथ उक्त उपकरण वितरण गरिएको काउन्सिलका कार्यवाहक अध्यक्ष झाले बताइन ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन