सर्लाही, ५ भदौं । ट्रेक्टरको ठक्करबाट सर्लाही सदरमुकाम मलंगवामा शुक्रवार विहान एक युवतीको मृत्यु भएको छ ।
मलंगवा नगरपालिका–८ स्थित नेपाल बैंक चोक अगाडी भएर नगरपा राजश्री चोक तर्फ जादै गरेका ज १ त ५२४६ नम्वरको ट्रेक्टरले पैदल हिडिरहेकी गौडैता नगरपालिका–५ बस्ने २३ बर्षीया गुडिया कुमारीलाई आज विहान १० बजेको समयमा ठक्कर दिदा गम्भीर घाइते भएकी थिइन ।
गम्भीर घाइते गुडियालाई प्रहरी चौकी गोरखालीबाट खटिएका प्रहरी टोलीले तत्कालै प्रादेशिक अस्पताल मलंगवा पुर्याइए तर १०.२२ बजेको समयमा चिकित्सकले मृत घोषित गरेको प्रहरी श्रोतबाट बुझिएको छ ।
ट्रेक्टर चालक गोडैता नगरपालिका–११ का श्री साहका १७ बर्षीय छोरा अजय साहलाई प्रहरीले नियन्त्रणमा लिएको छ ।
उमेर नपुगेका व्यक्तिलाई ट्रेक्टर दिने साहुँ विरुद्ध जिल्ला प्रहरी कार्यालय सर्लाहीले आवश्यक कारवाही गर्न प्रक्रिया अघि बढाएको बताइएको छ । साहलाई हिरासतमा लिएर प्रहरीले अनुसन्धान कार्य अघि बढाएको छ ।
उमेर नपुगेका नवालकले ट्रेक्टर चलाउदा भएको दुखद घटनाबाट पुनः एक पटक सडक सुरक्षा माथि गम्भीर प्रश्न चिन्ह खडा गरेका छन् । गाउँघरमा सवारी साधन गुडाउने इजाजत पत्र नभएकालाई सवारी चलाउन दिने विरुद्ध हदै सम्मको कठोर कारवाही गर्न सम्बध निकायले प्रक्रिया अघि बढाउनुपर्ने देखिन्छ ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन