चन्द्रपुृर (रौतहट), ८ भदौं । रौतहटको चन्द्रनिगाहपुर स्थित जनज्योती बहुमुखी क्याम्पसको २५ औं रजत जयन्ती तथा १४ औं क्याम्पस सभा भव्य रूपमा सम्पन्न भएको छ ।
मधेश प्रदेशका अर्थमन्त्री युवराज भट्टराई ‘समीर’ को प्रमुख आतिथ्यतामा आयोजित उदघाटन समारोहमा पूर्वसंविधानसभा सदस्य देवेन्द्र पटेल, चन्द्रपुर नगरपालिकाका नगर प्रमुख सञ्जय काफ्ले लगायत सम्मानित व्यक्तित्वहरुको गरिमामय उपस्थितिमा रजत जयन्ती भव्य रुपमा सम्पन्न भएको हो ।
क्याम्पसको वार्षिक कार्यक्रम, प्रगति तथा आर्थिक अवस्थाबारे विस्तृत प्रतिवेदन प्रस्तुत गरियो । सञ्चालक समितिका अध्यक्ष सञ्जयकुमार कार्कीले सञ्चालक समितिको तर्फबाट वार्षिक कार्यक्रम तथा प्रगति प्रतिवेदन प्रस्तुत गरे ।
क्याम्पस प्रमुख राजन श्रेष्ठले वर्तमान अवस्था, भौतिक पूर्वाधार, सञ्चालित तह तथा विषय लगायतका विभिन्न पक्षलाई समेटिएको प्रतिवेदन प्रस्तुत गरेका थिए । उनका अनुसार हाल जनज्योती बहुमुखी क्याम्पसमा विभिन्न तहमा गरी २ हजार ८ सय ७४ विद्यार्थी अध्ययनरत रहेका छन् ।
आर्थिक अवस्थाबारे कोषाध्यक्ष चिरञ्जीवी गौतमले आर्थिक प्रतिवेदन प्रस्तुत गर्दै आय–व्यय तथा क्याम्पसका आर्थिक गतिविधिबारे सभालाई जानकारी गराएको थियो ।
रजत जयन्ती तथा क्याम्पस सभाको अवसरमा प्रकाशित ‘जनज्योती स्मारिका’ र ‘जनज्योती एकेडेमिक जर्नल’ को प्रमुख अतिथि अर्थमन्त्री भट्टराईले औपचारिक विमोचन गरेका थिए ।
क्याम्पसको शैक्षिक गुणस्तर, भौतिक पूर्वाधार विकास, आगामी कार्ययोजना तथा संस्थागत सुधारका विषयमा समेत छलफल भए । यसैबीच, क्याम्पस सभाले नयाँ सञ्चालक समिति चयनको प्रक्रिया अघि बढाएको छ । रजत जयन्ती कार्यक्रममा विभिन्न योगदान पुर्याएका विभिन्न व्यत्तित्वहरुलाई सम्मान गरियो ।

बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन