रौतहट, ११ भदौं । भारत सरकारले रसुवाका बाढीपीडितका लागि १० टन मानवीय सहायता सामग्री तथा अत्यावश्यक औषधि पठाएको छ ।
महाविनाशकारी बाढीबाट प्रभावित क्षेत्रमा रहेका नागरिकलाई उद्धार तथा राहत सामग्री चाँडै पुगोस भन्ने अभिप्रायका साथ भारतले उक्त सहायता सामग्री पठाएको भारतीय विदेशमन्त्री एस जयशंकरले जानकारी दिएको हो ।
विदेशमन्त्री जयशंकरले सामाजिक सञ्जालमार्फत भारत बाढी प्रभावित क्षेत्रमा फसेका नागरिकलाई उद्धार र तिनीहरु समक्ष यथाशिघ्र राहत सामग्री पुर्याउन हर सम्भव सहयोग गर्ने वाचा गर्दै दुखको समयमा नेपालको साथमा भारतीय जनता खडा रहेको बताए ।
उनले बाढीमा ज्यान गुमाएकाका परिवारप्रति समवेदना व्यक्त गर्दै प्रभावित सबैप्रति भारतको सद्भाव रहेको जिकिर गरे । दुखको समयमा एक छिमेकीको भुमिकामा सधैं अघि रहने उनले स्पष्ट पारे ।
विदेश मन्त्री जयशंकरले विपद्को चुनौतीपूर्ण अवस्थामा भारत नेपाल र नेपाली जनताको साथमा रहेको उल्लेख गरे । भारतबाट प्राप्त मानवीय सहायता सामग्रीले बाढी प्रभावितको उद्धार तथा राहत कार्यमा सहयोग पुग्ने अपेक्षा गरिएको छ ।
यो प्रारम्भीर खेप मात्रै रहेको आवश्यक सबै सहयोग नेपाललाई गर्न भारत तयार रहेको समेत बताए ।

बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन