रौतहट, ११ भदौं । प्रधानमन्त्री वालेन्द्र शाहले भारतीय प्रधानमन्त्री नरेन्द्र मोदीले रसुवाका बाढी प्रभावितप्रति व्यक्त गरेको समवेदना तथा सहयोगका लागि धन्यवाद दिए ।
बुधबार सामाजिक सञ्जाल मार्फत प्रधानमन्त्री शाहले नेपालको कठिन परिस्थितिमा भारत सरकारले देखाएको ऐक्यबद्धता र सहयोग प्रति आभार व्यक्त गरेका हुन् । उनले भारतको सहयोग र सद्भाव दुई देशबीचको लामो समयदेखिको मित्रताको प्रतिविम्ब भएको बताए ।
यसअघि भारतीय प्रधानमन्त्री मोदीले प्रधानमन्त्री शाहसँग फोनवार्ता गर्दै नेपालमा बाढीका कारण भएको जनधनको क्षतिप्रति गहिरो समवेदना व्यक्त गरेका थिए । मोदीले कठिन परिस्थितिमा भारतका जनता नेपाली जनताको साथमा रहेको बताएका थिए ।
मोदीले नेपाललाई सम्भव भएसम्म सबै मानवीय सहायता उपलब्ध गराउन भारत तयार रहेको बताउँदै उद्धार तथा राहतका लागि एनडिआरएफको भारतीय टोली बुधवार राति नै नेपाल आएर प्रभावित क्षेत्रमा जाने तयारीमा जुटेका छन् ।
रसुवा, नुवाकोट लगायतका बाढी प्रभावित क्षेत्रमा ठूलो क्षति भएका बेला दुई देशका प्रधानमन्त्रीबीच भएको संवादलाई विपद्को समयमा भारत–नेपालबीचको सहकार्य र मानवीय, ऐक्यबद्धता सम्बन्धको महत्वपूर्ण कडीको रुपमा लिएको छ ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन