टिकटकको माध्यमबाट फर्निचर बिक्रीको खेल, ४७ हजार ठगी गर्ने दुई पक्राउ; ‘घटना मिलाउने’ प्रयास, प्रहरीद्धारा अनुसन्धान जारी

0 Shares

रौतहट, १८ भदौं । टिकटक मार्फत फर्निचर बिक्री गर्ने बहानामा मोबाइल बैंकिङको पासवर्ड हात पारेर रकम ठगी गर्ने दुई जना विरुद्ध रौतहट प्रहरीले अनलाईन ठगी मुद्दा दर्ता गरेको छ ।
कटहरिया नगरपालिका–३ बिर्ती प्रस्टोकाका २० वर्षीय सुरजप्रसाद यादव र २२ वर्षीय भोलिन्द्रकुमार यादव विरुद्ध प्रहरीले अनलाइन ठगी सम्बन्धी मुद्दा दर्ता गरिएको हो ।
जिल्ला अदालत रौतहटले दुवै जनालाई हिरासतमा राखेर अनुसन्धान गर्न प्रहरीलाई ६ दिनको म्याद दिएको छ ।
एक साताअघि सिरहाको नवराजपुर गाउँपालिका–३ का ४५ वर्षीय वैद्यनाथकुमार यादवलाई टिकटक मार्फत फर्निचर बिक्री गर्ने भन्दै सम्पर्क गरेको थियो । कुराकानीका क्रममा मोबाइलको स्क्रिन सेयर गराई मोबाइल बैंकिङको पासवर्ड प्राप्त गरेपछि पीडितको खाताबाट ४७ हजार १९८ रुपैयाँ निकालिएको आरोप लगेको छ ।
खाताबाट रकम निकालिए पछि बैंकिङ विवरणका आधारमा आरोपीको पहिचान र ठेगाना पत्ता लगाएका पीडितले मंगलबार इलाका प्रहरी कार्यालय कटहरियामा लिखित उजुरी दिएका थिए । त्यसपछि वरिष्ठ प्रहरी नायब निरीक्षक जयप्रकाश साहको नेतृत्वमा खटिएको प्रहरी टोलीले सुरज र भोलिन्द्रलाई पक्राउ गरेको बताइएको छ ।
रकम फिर्ता गराएर घटना मिलाउने प्रयास भएको आरोप
आरोपी पक्राउ परेपछि घटनाले अर्को मोड लिएको प्रहरी स्रोतले बताए । स्थानीय केही जनप्रतिनिधि तथा बिचौलियाले पीडितलाई रकम फिर्ता गराइदिने भन्दै जाहेरी नदिन सहमत गराउने प्रयास गरेको आरोप लागेको छ ।
पीडितलाई रकम फिर्ता गराएर घर पठाउने र आरोपीलाई छुटाउने प्रयास भइरहेको जानकारी पाएपछि घटनाबारे मधेस प्रदेश प्रहरी प्रमुख डीआईजी ओमप्रसाद अधिकारीलाई जानकारी गराइएको थियो । अधिकारीले सानो रकमको ठगी देखिए पनि यसको पछाडि अन्य व्यक्ति वा संगठित समूहको संलग्नता हुनसक्ने भन्दै घटनालाई गम्भीर रूपमा लिएर कानुनी प्रक्रियाबाट अनुसन्धान अघि बढाउन निर्देशन दिएको प्रहरीले जनाए । त्यसपछि दुवै जनाविरुद्ध मुद्दा दर्ता गरी अनुसन्धान अघि बढाइएको छ ।
४७ हजारको ठगी मात्रै हो कि ठूलो सञ्जाल ?
प्रहरीले घटनामा अन्य व्यक्तिको समेत संलग्नता हुनसक्ने कोणबाट अनुसन्धान अघि बढाएको जनाए । पक्राउ परेका दुबै जनालाई हिरासतमा राखेर आवश्यक अनुसन्धान भईरहेको प्रहरीले बताए ।
डिजिटल ठगीमा बैंक खाता, मोबाइल नम्बर, डिजिटल वालेट तथा अन्य प्राविधिक माध्यम प्रयोग गर्ने समूह समेत संलग्न हुनसक्ने भएकाले प्रहरीले घटनाको प्राविधिक पक्षसमेत अनुसन्धान गरिरहेको जनाए ।
स्थानीय स्तरमा कटहरिया क्षेत्रमा यसअघि पनि यस्तै प्रकृतिका घटना हुने गरेको दाबी सुनिदै आएको छ । पीडितलाई रकम फिर्ता गराएर घटना मिलाउने प्रवृत्तिले यस्ता अपराधलाई निरुत्साहित गर्नुको सट्टा थप प्रोत्साहन गर्न सक्ने स्थानीयको गुनासो छ ।

प्रतिक्रिया

सम्बन्धित समाचार

Terai Top एउटा समाचारमुखी प्लेटफर्म जस्तो देखिन्छ, जहाँ स्थानीय घटना, सामाजिक विषय, राजनीति, सुरक्षा, अपराध समाचार र दैनिक जीवनसँग जोडिएका अपडेटलाई प्राथमिकता दिइन्छ। यस्तो शैलीका सामग्री पाठकका लागि उपयोगी हुन्छन्, किनकि यहाँ सूचना केवल छिटो मात्र होइन, बुझ्न सजिलो तरिकाले प्रस्तुत गरिन्छ। यही कारणले डिजिटल सेवाहरू, नयाँ अनलाइन प्लेटफर्म र मनोरञ्जनसँग सम्बन्धित विषयमा पनि यस्तै स्पष्टता आवश्यक हुन्छ। अनलाइन मनोरञ्जनको क्षेत्रमा नयाँ क्यासिनो प्लेटफर्महरू लगातार देखा पर्छन्, तर सबै प्रस्ताव समान रूपमा भरपर्दा हुँदैनन्। Brandneue Online Casinos सम्बन्धी जानकारी हेर्दा बोनस, भुक्तानी विकल्प, लाइसेन्स, प्रयोगकर्ता अनुभव र निकासी प्रक्रियाजस्ता पक्षलाई ध्यान दिनुपर्छ refpolk.de. यसले नयाँ देखिने साइट साँच्चै उपयोगी छ कि केवल आकर्षक प्रचारमा सीमित छ भन्ने कुरा छुट्याउन सजिलो बनाउँछ। Terai Top को समाचार शैली र नयाँ अनलाइन क्यासिनोहरूको विषयबीच मुख्य समानता भनेको अद्यावधिक र स्पष्ट जानकारीको आवश्यकता हो। समाचार होस् वा डिजिटल मनोरञ्जन, सही निर्णयका लागि सतही दाबीभन्दा तथ्य, नियम र विश्वसनीयता बढी महत्त्वपूर्ण हुन्छ।