तस्करहरुको समुहले सीमापारी बैगनियामा पत्रकार अनिलकुमार झा माथि आक्रमण गरी लुगा च्यातेर दुव्यवहार गरेको तस्वीर र भिडियो सामाजिक संजालमा भाईरल भएपछि उक्त भिडियोबाट क्रोप गरिएको तस्वीर हो ।
रौतहट, ३० भदौं । सीमापारी बैरगनियामा काम विशेषले गएको अवस्थामा नेकपा (एमाले) निकट नेपाल बौद्धिक परिषद् रौतहट तथा मधेश प्रदेशका अध्यक्ष अनिल झा माथि तस्कर समुहले साँघातिक आक्रमण गरेको गम्भीर आरोप लागेका छन् ।
सोमबार बिहान करिब १० बजेको समयमा काम विशेषले बैरगनिया जाने क्रममा सीमा पार गरेपछि केही तस्कर समुहले मोटरसाइकलबाट गईरहेको अवस्थामा झा माथि साँघातिक आक्रमण गर्दै कुटपिट तथा दुव्र्यवहार गरेको गम्भीर आरोप लागेका हुन् ।
उक्त घटनाप्रति गम्भीर ध्यानाकर्षण भएको जनाउँदै नेपाल बौद्धिक परिषद् रौतहटले आक्रमणको घोर भत्र्सना गरेको छ । परिषद्का जिल्ला कार्यसमिति सचिव महम्मद अतिउल्लाहले विज्ञप्ति जारी गर्दै घटनामा संलग्न व्यक्तिहरूलाई तत्काल नियन्त्रणमा लिएर निष्पक्ष छानबिन तथा कानुन बमोजिम कडा कारबाही गर्न सम्बन्धित निकाय सँग माग गरे ।
पत्रकार समेत रहेका आफ्ना जिल्ला अध्यक्ष झामाथि भएको घटनालाई गम्भीर रूपमा लिएको परिषद्ले आक्रमणमा संलग्न व्यक्तिहरुको पहिचान गरेर आवश्यक कानुनी प्रक्रिया अघि बढाउन आग्रह गरेको छ ।
सीमावर्ती क्षेत्रमा आवतजावत गर्ने नेपाली नागरिकमाथि कुटपिट तथा दुव्र्यवहारका घटना दोहोरिनुले नागरिकको सुरक्षा र सहज आवागमन माथि प्रश्न उठेको परिषद्को ठकर छ ।
किन भयो झा माथि साँघातिक आक्रमण ?
गत साता गौर नगरपालिका–५ स्थित एक किराना पसल छेउमा रहेका गोदाममा सशस्त्र प्रहरीले छापा मारेर ५० हजार भन्दा बढिको चिनी सहितको सामानहरु नियन्त्रणमा लिएको विषयलाई लिएर संचारकर्मी समेत रहेका झा माथि साँघातिक आक्रमण भएको आशंका गरिएको छ ।
झाले नै फोन गरेर छापा मार्न लगाएको विषयमा केही दिन अघि उद्योग वाणिज्य संघका रौतहट अध्यक्ष रबीन्द्रनाथ गोपालीको रोहवरमा छलफल भएर कुरा सकिएको भएपनि नियोजित रुपमा गौर ५ का सुरेन्द्र गुप्ता र निजका छोरा सहितका तस्करहरुले सीमापारी ज्यान मार्ने उद्देश्यबाट साँघातिक आँक्रमण गरेको पीडित झाले बताए ।
सुरेन्द्र र उसको छोरा सहित केही अज्ञात व्यक्तिहरुको विरुद्ध सीमापारी बैरगनिया थानामा एफआईआर लेखाएको र जिल्ला प्रहरी कार्यालय गौरमा समेत उजुरी दिएको पीडित झाले तराई टप संग भने ।
सशस्त्र प्रहरीद्वारा छापा मारेर सामान लगेपछि व्यापारीहरु कसले छापा मार्न लगाएको कुरा पत्ता लगाउदै जाँदा सशस्त्र प्रहरीबाट नै झाको नाम आउट गरेपछि आक्रमण गरिएको श्रोतले बतायो । यसरी सशस्त्र प्रहरीलाई सूचना दिने माथि आक्रमण हुनु निकै दुखद विषय भएको बताइएको छ ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन