रौतहट, ३ असोज । नेपाली कांग्रेस रौतहटले भोलि आइतबार देखि वडा अधिवेशनको प्रक्रिया अघि बढाउने निर्णय गरेको छ ।
जिल्ला सभापति सुनिलकुमार यादवको अध्यक्षतामा गरुडाको ए एन प्लाजा होटलमा सम्पन्न जिल्ला कार्यसमितिको विस्तारित बैठकले वडा तहको अधिवेशन प्रक्रिया अगाडि बढाउने निर्णय गरेको हो ।
बैठकमा नेपाली कांग्रेस मधेश प्रदेशका सभापति एवं मुख्यमन्त्री कृष्णप्रसाद यादवको प्रमुख उपस्थिति रहेको थियो । जिल्ला कार्य समिति देखि विभिन्न तहका पदाधिकारी तथा नेताहरूको सहभागितामा विस्तारित बैठक सम्पन्न भएको जिल्ला कार्यसमितिले जनाए ।
बैठकमा पार्टीको संगठनलाई वडा तहसम्म थप व्यवस्थित र सक्रिय बनाउने विषयमा छलफल गर्दै निर्धारित प्रक्रिया अनुसार वडा अधिवेशन अघि बढाउने निर्णय गरिएको छ ।
वडा अधिवेशन मार्फत स्थानीय तहमा पार्टीको संगठनात्मक गतिविधिलाई थप गतिशील बनाउने तथा पार्टीका कार्यकर्ता र नेतृत्वबीचको समन्वय मजबुत बनाउने उद्देश्य रहेको नेताहरूले बताए ।
पार्टीको १५ औं राष्ट्रिय महाधिवेशनलाई भव्य रुपमा सफल बनाउन वडा, पालिका, क्षेत्रिय, जिल्ला समितिको अधिवेशन गरेर पार्टीलाई संगठनात्मक रुपमा बलियो बनाउदै अघि बढ्ने कांग्रेस रौतहटले जनाए ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन