रौतहट, ११ असोज । अविरल बर्षाका कारण लालबकैया नदीमा पानीको बहाव खतराको सत नजिक पुग्न थालेपछि तटिय आसपासका क्षेत्रमा बसोबास गर्ने नागरिकलाई उच्च सतर्कता अपनाउन स्थानीय प्रशासनले आग्रह गरेका छन् ।
आइतबार बिहान ७ः२४ बजेको अपडेट अनुसार निजगढ स्थित लालबकैया नदीमा पानीको सतह २३८ सेन्टिमिटर पुगेको छ । उक्त स्थानमा चेतावनी तह १५० सेन्टिमिटर र खतरा तह २५० सेन्टिमिटर निर्धारण गरिएका हुन् ।
नदीको जलस्तर अहिले चेतावनी तहभन्दा ८८ सेन्टिमिटर माथि पुगेको छ भने खतरा तहभन्दा १२ सेन्टिमिटर मात्र तल रहेको बताइएको छ । जलस्तर अझै बढ्न सक्ने भएकाले नदी आसपासका बस्तीमा बाढी तथा डुबानको जोखिम बढेको छ ।
मौलापुर नगरपालिका–१ मर्यादपुर सहित लालबकैया नदीको तटीय र होचा भू–भागमा बसोबास गर्ने नागरिकलाई थप सतर्क रहन जिल्ला प्रशासन कार्यालय रौतहटले आग्रह गरेको छ ।
निरन्तर रुपमा नदीमा पानीको बहाव बढिरहेको अवस्थामा नदी किनार, पुल, घाट तथा डुबान हुनसक्ने क्षेत्रमा नजान, बालबालिका र वृद्धवृद्धालाई विशेष निगरानीमा राख्न तथा आवश्यक परे सुरक्षित र अग्लो स्थानमा स्थानान्तरण हुन आग्रह गरिएको छ ।
सम्भावित बाढी र कटनाबाट हुने क्षतिलाई नियन्त्रण गर्न सुरक्षा निकायका टोलीलाई २४ औं घण्टा एलर्ट मोडमा राखिएको बताइएको छ ।
मर्यादपुर नजिक मर्मत गरिएका बाँध पुनः नदीले कटान एवं भत्काउने सुरु गरेको हुँदा त्यस क्षेत्रमा जोखिम उच्च रहेको हुँदा सावधानी एवं उच्च सतर्कता अपनाउन समेत जिल्ला प्रशासन कार्यालय रौतहटले आग्रह गरेका छन् ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन