रौतहट, २६ असोज । बूढीगण्डकी नदीमा आइतबार विहान अचानक आएको भीषण बाढीको कारण हिमपहिरो वा चट्टानी पहिरो हुन सक्ने जल विज्ञान तथा जलस्रोत अनुसन्धान केन्द्रले जनाएको छ ।
केन्द्रले सार्वजनिक गरेको स्थिति प्रतिवेदनमा माथिल्लो क्षेत्रमा भएको व्यापक हिमपात पछि ठूलो हिमपहिरो वा चट्टानी पहिरो सुरु भएको देखिएको उल्लेख गरिएको हो ।
केन्द्रको भौगोलिक तथा भौगर्भिक विश्लेषण अनुसार अक्टोबर ६ मा स्याटेलाइट तस्बिरमा बाढीको उद्गमस्थलको माथिल्लो भागमा हल्का हिउँ र चट्टानी ढलान मात्रै देखिएको थियो । तर, अक्टोबर १० तस्बिरमा उक्त क्षेत्रमा व्यापक नयाँ हिमपात भएको र त्यही उच्च भागबाट ठूलो हिमपहिरो वा चट्टानी पहिरो सुरु भएको संकेत देखिएको केन्द्रले जनाए ।
सार्वजनिक भएका प्रतिवेदन अनुसार माथिल्लो हिमशिखरबाट सुरु भएको गाढा कालो रेखाजस्तो बहाव ठाडो खोँच हुँदै तीव्र गतिमा तलतिर बगेको स्याटेलाइट तस्बिरमा देखिन्छ । यसले हिमपहिरो वा लेदो पहिरोले आफ्नो बाटोमा रहेका वनस्पति र माटो समेत बगाएर लगेको संकेत गरेको जनाइएको छ ।
तीव्र गतिमा बगेको गेग्रान र लेदो चुम्लिङ तथा रिप्चेत नजिकै मुख्य नदीको दोभानमा पुगेर थुप्रिएको केन्द्रले जनाए । उक्त गेग्रानको थुप्रोले तल्लो उपत्यकामा नदीको प्राकृतिक बहावमा केही समयका लागि अवरोध सिर्जना गरेको हुन सक्ने प्रतिवेदनमा उल्लेख गरिएको छ ।
केन्द्रका अनुसार गेग्रान थुप्रिने प्रक्रियाले नदीको बहाव अस्थायी रूपमा थुनिएको सम्भावना समेत देखायो । यस्तो अवस्थामा थुप्रिएको गेग्रानले नदीको बहावमा अवरोध पुर्याउँदा पानीको सतह र बहावमा अचानक परिवर्तन आउन सक्ने भएकाले घटनाको थप अध्ययन महत्वपूर्ण हुने देखिन्छ ।
स्याटेलाइट तस्बिर तथा भौगोलिक विश्लेषणका आधारमा केन्द्रले बूढीगण्डकीमा आएको बाढीको सम्भावित कारण हिमपहिरो वा चट्टानी पहिरो र त्यसपछि भएको गेग्रान बहावलाई मानेको छ ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन