गौर भन्सार क्षेत्र भएर तस्करी गर्ने गराउनेहरुको रजगज, छैन डर सिसिटिभी क्यामराको

0 Shares

रौतहट, २८ असोज । दशैं, तिहार तथा छठ पर्वको रमझम सुरु भएसंगै नेपाल–भारत सीमावर्ती क्षेत्रमा तस्करी कार्य ह्वातै बढेको छ ।
जिल्लाका मुख्य तथा सहायक नाकाहरू प्रयोग गर्दै दर्जनौ संगठित तस्कर समूहले अवैध कारोबारलाई तीव्र बनाइएको यथेष्ट प्रमाणहरु फेला परेको हो ।
स्थानीय श्रोतका अनुसार गौरको मुख्य भन्सार नाकादेखि ग्रामीण सीमावर्ती क्षेत्रसम्मबाट विभिन्न वस्तुको अवैध ओसारपसार निर्वाध रुपमा भइरहेको भएपनि सीमामा खटिएका सशस्त्र प्रहरी र नेपाल प्रहरीकै सहयोगमा तस्करी भइरहेको आरोप लगाउँदै स्थानीयले सुरक्षा निकायको भूमिकामाथि प्रश्न उठाए ।
घरायसी प्रयोजनका लागि सीमापारिबाट सामान ल्याउने सर्वसाधारण माथि कडाइ गर्ने सुरक्षाकर्मीले संगठित तस्करलाई भने निर्वाध कारोबार गर्न दिएको कार्यबाट स्थानीयहरु सुरक्षाकर्मी माथि असन्तुष्ट बनेका छन् ।
स्थानीयका अनुसार गौरको मुख्य नाका तथा छेउछाउबाट रुपेश दास, मनोज साह, रोसन जयसवाल, मुकेश साह, निरज जयसवाल सहित दर्जनौं कारोवारीहरु तस्करी गरी ल्याइएका सामान भन्सार रोडस्थित विभिन्न घरमा भण्डारण गरेर अन्यत्र लैजाने गरेका हुन् ।
राजदेवी नगरपालिकासँग सीमा जोडिएको भारतीय क्षेत्रमा गोदाम राखेर समेत अवैध कारोबार भइरहेको बताइएको छ । चाडपर्व लक्षित व्यापारका लागि व्यवसायीले सामान भण्डारण गर्न थालेसँगै दक्षिणी सीमावर्ती क्षेत्रका विभिन्न चोरबाटो प्रयोग गरी सामान नेपाल भित्र्याउने क्रम बढेको स्थानीयको दाबी छ ।
ब्रह्मपुरी देखि बंकुल सम्म तस्करीको अपवित्र जालो
स्थानीय श्रोतका अनुसार गौरबाहेक ब्रह्मपुरी, लक्ष्मीनिया बेलबिछवा, महादेवपट्टी, बन्जरहा, औरैयाको मनमोहनद्वार, रामपुर खाप, नरकटिया र बंकुलल गायतका नाकाबाट समेत ठूलो परिमाणमा सामान ओसारपसार भइरहेको छ ।
ति नाकाहरुबाट भित्रयाइने उक्त सामानहरु विभिन्न बाटो भएर उत्तरी भेगमा गएर मुलुकको विभिन्न स्थानमा पुर्याउने केही व्यापारीहरु यतिखेर सक्रिय रहेका छन् ।
चाडपर्वका बेला सीमापार व्यापार तथा सामानको आवागमन बढ्ने भएकाले राजस्व चुहावट नियन्त्रण, प्रतिबन्धित वस्तुको ओसारपसार रोकथाम र सीमावर्ती क्षेत्रमा सुरक्षा निगरानी प्रभावकारी बनाउनुपर्ने आवश्यकता देखिएको छ ।
सशस्त्र प्रहरी बल नेपाल गौर गुल्मका प्रमुख दुर्गा भट्ट र भन्सार सुरक्षा चौकीका इन्चार्ज सहित त्यहाँ कार्यरत हवलदार रामनाथ रजक तथा भन्सार कार्मचारीको यतिखेर रजगज रहेको बताइन्छ । यिनीहरुले नै तस्करीको लाईन संचालन गराएको हुँदा व्यापारीहरु राजस्व तिर्नुको साटो राजस्व छलीमा चुर्लुम्म डुबेका श्रोतले बताउँछन् ।

प्रतिक्रिया

सम्बन्धित समाचार

Terai Top एउटा समाचारमुखी प्लेटफर्म जस्तो देखिन्छ, जहाँ स्थानीय घटना, सामाजिक विषय, राजनीति, सुरक्षा, अपराध समाचार र दैनिक जीवनसँग जोडिएका अपडेटलाई प्राथमिकता दिइन्छ। यस्तो शैलीका सामग्री पाठकका लागि उपयोगी हुन्छन्, किनकि यहाँ सूचना केवल छिटो मात्र होइन, बुझ्न सजिलो तरिकाले प्रस्तुत गरिन्छ। यही कारणले डिजिटल सेवाहरू, नयाँ अनलाइन प्लेटफर्म र मनोरञ्जनसँग सम्बन्धित विषयमा पनि यस्तै स्पष्टता आवश्यक हुन्छ। अनलाइन मनोरञ्जनको क्षेत्रमा नयाँ क्यासिनो प्लेटफर्महरू लगातार देखा पर्छन्, तर सबै प्रस्ताव समान रूपमा भरपर्दा हुँदैनन्। Brandneue Online Casinos सम्बन्धी जानकारी हेर्दा बोनस, भुक्तानी विकल्प, लाइसेन्स, प्रयोगकर्ता अनुभव र निकासी प्रक्रियाजस्ता पक्षलाई ध्यान दिनुपर्छ refpolk.de. यसले नयाँ देखिने साइट साँच्चै उपयोगी छ कि केवल आकर्षक प्रचारमा सीमित छ भन्ने कुरा छुट्याउन सजिलो बनाउँछ। Terai Top को समाचार शैली र नयाँ अनलाइन क्यासिनोहरूको विषयबीच मुख्य समानता भनेको अद्यावधिक र स्पष्ट जानकारीको आवश्यकता हो। समाचार होस् वा डिजिटल मनोरञ्जन, सही निर्णयका लागि सतही दाबीभन्दा तथ्य, नियम र विश्वसनीयता बढी महत्त्वपूर्ण हुन्छ।