एआईको सहयोगमा तयार पारिएका साँकेतिक तस्वीर
सर्लाही, ८ कात्तिक । सर्लाहीको मलंगवा नगरपालिका–४ स्थित हनुमान मन्दिरमा चोरी गरेको आरोपमा प्रहरीले दुई जना नाबालकलाई पक्राउ गरेको छ ।
मन्दिरबाट चाँदीको मुकुट, माला, टीका लगायतका गरगहना चोरी गरेको आरोपमा ति दुई नाबालकलाई पक्राउ गरेको हो ।
सर्लाही प्रहरीका निमित्त प्रवक्ता एवं इन्सपेक्टर किशोर केसीद्वारा हस्ताक्षरित विज्ञप्तीमा आईतवार विहान ३ बजेको समयमा मन्दिरमा चोरी भएको सूचना प्राप्त भएपछि खटिएको प्रहरी टोलीले मन्दिर परिसरबाटै १६ र १३ वर्षका दुई नाबालकलाई नियन्त्रणमा लिन सफल भएयो ।
पक्राउ परेका दुवै जना १८ वर्षमुनिका भएकाले प्रहरीले उनीहरूको नाम गोप्य राखेर आवश्यक अनुसन्धान अगाडी बढाएको विज्ञप्तीमा उल्लेख रहेको छ ।
चाँदीका गरगहना चोरी, दानपेटिका भने नभेटिएको प्रहरीले जनाए ।
मन्दिरबाट हनुमानजीको मूर्तिमा लगाइने चाँदीको मुकुट, माला, टीका तथा अन्य चाँदीका गरगहना चोरी भएका छन् । ति सबै सामानहरु दानपेटिकामा रहेको तथा त्यसमा कति रकम रहेका थिए यकिन जानकारी नभएको मन्दिरका पुजारीलाई उढृत गर्दै सर्लाही प्रहरीले जानकारी दिएको छ ।
घटनापछि प्रहरीले मन्दिर परिसरमा प्रारम्भिक अनुसन्धान गरेको थियो । पक्राउ परेका नाबालकहरू यसअघि पनि चोरीका घटनामा संलग्न रहेको र बाल सुधार गृहमा बसेर छुटेको प्रारम्भिक अनुसन्धानबाट खुलेको प्रेषित विज्ञप्तीमा उल्लेख छ ।
धार्मिक सद्भाव भड्काउने गतिविधि नगर्न प्रहरीको आग्रह
हनुमान मन्दिरमा भएको चोरीको घटनालाई कुनै पनि धर्म वा सम्प्रदाय सँग जोडेर नहेर्न प्रहरीले आग्रह गरेको छ । प्रारम्भिक अनुसन्धानबाट घटना धार्मिक तथा साम्प्रदायिक उद्देश्यले नभई चोरी गर्ने मनसायबाट मात्रै भएको जिल्ला प्रहरी कार्यालय सर्लाहीले जनाए । घटनामा अन्य व्यक्तिको संलग्नता भए उनीहरूको समेत पहिचान गरी कानुन बमोजिम कारबाही गरिने प्रहरीले स्पष्ट पारेको छ ।
घटनालाई लिएर धार्मिक तथा साम्प्रदायिक सद्भाव बिगार्ने गतिविधि नगर्न प्रहरीले सर्वसाधारणलाई अनुरोध गरेको छ । त्यस्ता गतिविधि गरेमा प्रचलित कानुन बमोजिम कारबाही हुने चेतावनी समेत दिइएको छ ।
घटनाबारे थप अनुसन्धान भइरहेको जिल्ला प्रहरी कार्यालय सर्लाहीका निमित्त प्रवक्ता एवं सूचना अधिकारी केसीले जानकारी दिए ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन