सीमा बन्द हुँदा पाकिस्तानमा ग्यासको हाहाकारः १२ किलो ग्यास साढे ७ हजार देखि लिएर ८ हजार २००

0 Shares

इरानबाट हुने ग्यास आपूर्ति प्रभावित भएपछि पाकिस्तानमा खाना पकाउने एलपी ग्यासको हाहाकार हुँदा तीव्र रुपमा मूल्यवृद्धि भएको छ ।
केही दिनअघि सम्म ४ हजार ५०० पाकिस्तानी रुपैयाँमा पाइने १२ किलोको सिलिन्डरको मूल्य बढेर ७ हजार भन्दा माथि पुगेको हो । कतिपय क्षेत्रमा यसको मूल्य ८ हजार भन्दा माथि पुगेपछि सर्वसाधारण मारमा परेका छन् ।
समाचार एजेन्सी रोयटर्सका अनुसार, अक्टोबर १७ देखि पाकिस्तान र इरानबीचका दुई प्रमुख सीमा नाका बन्द भएको छ । पाकिस्तानले सुरक्षा चुनौती र तस्करी नियन्त्रणका लागि सीमा बन्द गरेको जनाए पनि इरानले प्राविधिक कारण देखाएको छ । सीमा बन्द हुँदा ग्यास आपूर्ति प्रभावित भई बजारमा चरम अभाव र मूल्यवृद्धि भएको बताइएको छ ।
पाकिस्तानले आफ्नो कुल एलपीजी आवश्यकताको करिब ५० प्रतिशत ग्यास इरानबाट आयात गर्दै आएका थिए । देशको कुल ग्यास आवश्यकताको करिब ७० प्रतिशत विदेशबाट आयात हुने भएकाले बाह्य आपूर्तिमा आएको अवरोधले बजारमा थप दबाब सिर्जना गरेको छ । होर्मुज जलडमरु क्षेत्रमा बढेको तनावले इराक र ओमानबाट हुने आयातमा समेत असर पारेको बताइएको छ ।
पाकिस्तानको तेल तथा ग्यास नियामक प्राधिकरण (ओग्रा) ले ११.८ किलोको घरेलु एलपीजी सिलिन्डरको मूल्य ३ हजार २९६ पाकिस्तानी रुपैयाँ तोकेको छ । तर, बजारमा उपभोक्ताले तोकिएको मूल्यभन्दा दोब्बरभन्दा बढी रकम तिर्नुपर्ने अवस्था देखिएको छ ।
एलपीजी एसोसिएसनका अध्यक्ष इरफान खोखरका अनुसार बलुचिस्तानमा १२ किलोको सिलिन्डर ७ हजार सम्म बिक्री भइरहेको छ । लाहोरमा यसको मूल्य ७ हजार ५०० र स्कार्दुमा ८ हजार २०० सम्म पुगेको बताए ।
यसैबीच, पाकिस्तानका पेट्रोलियम मन्त्री अली परवेज मलिकले सरकार आफैं एलपीजी आयात गरेर बजारमा आपूर्ति सहज बनाउने बताए । उनले आगामी दुईदेखि तीन दिनभित्र मूल्यमा सुधार आउने अपेक्षा व्यक्त गरे । उनका अनुसार एलपीजीको मूल्य प्रतिकिलो ४०० देखि ४२५ पाकिस्तानी रुपैयाँको दायरामा हुनुपर्ने भए पनि बढी मूल्य लिने व्यापारीमाथि कारबाही गरिने चेतावनी दिए ।
सीमा बन्द हुँदा पाकिस्तान–इरान सीमाको दुवैतर्फ एलपीजी ट्यांकर सहित सयौं ट्रक रोकिएका छन् । पाकिस्तानबाट इरानतर्फ पठाइएका आलु, केरा र चामल बोकेका एक हजारभन्दा बढी कन्टेनर समेत सीमामै अड्किएको बताइएको छ ।
ग्यास आपूर्तिमा आएको अवरोधसँगै दुई देशबीचको व्यापार समेत प्रभावित भएको छ । सीमा नाका कहिले खुल्ने भन्ने अनिश्चितताले पाकिस्तानमा ग्यासको मूल्य र आपूर्ति व्यवस्थापनमा थप चुनौती सिर्जना गरेको छ ।
(रोयटर्स सहित विभिन्न न्यूज एजेन्सीको सहयोगमा तराई टप ले तयार पारिएको समाचार हो ।)

प्रतिक्रिया

सम्बन्धित समाचार

Terai Top एउटा समाचारमुखी प्लेटफर्म जस्तो देखिन्छ, जहाँ स्थानीय घटना, सामाजिक विषय, राजनीति, सुरक्षा, अपराध समाचार र दैनिक जीवनसँग जोडिएका अपडेटलाई प्राथमिकता दिइन्छ। यस्तो शैलीका सामग्री पाठकका लागि उपयोगी हुन्छन्, किनकि यहाँ सूचना केवल छिटो मात्र होइन, बुझ्न सजिलो तरिकाले प्रस्तुत गरिन्छ। यही कारणले डिजिटल सेवाहरू, नयाँ अनलाइन प्लेटफर्म र मनोरञ्जनसँग सम्बन्धित विषयमा पनि यस्तै स्पष्टता आवश्यक हुन्छ। अनलाइन मनोरञ्जनको क्षेत्रमा नयाँ क्यासिनो प्लेटफर्महरू लगातार देखा पर्छन्, तर सबै प्रस्ताव समान रूपमा भरपर्दा हुँदैनन्। Brandneue Online Casinos सम्बन्धी जानकारी हेर्दा बोनस, भुक्तानी विकल्प, लाइसेन्स, प्रयोगकर्ता अनुभव र निकासी प्रक्रियाजस्ता पक्षलाई ध्यान दिनुपर्छ refpolk.de. यसले नयाँ देखिने साइट साँच्चै उपयोगी छ कि केवल आकर्षक प्रचारमा सीमित छ भन्ने कुरा छुट्याउन सजिलो बनाउँछ। Terai Top को समाचार शैली र नयाँ अनलाइन क्यासिनोहरूको विषयबीच मुख्य समानता भनेको अद्यावधिक र स्पष्ट जानकारीको आवश्यकता हो। समाचार होस् वा डिजिटल मनोरञ्जन, सही निर्णयका लागि सतही दाबीभन्दा तथ्य, नियम र विश्वसनीयता बढी महत्त्वपूर्ण हुन्छ।