रौतहट, ९ कार्तिक । नेपाल प्रिमियर लिग (एनपीएल) को तेस्रो संस्करणको रंगारंग आज देखि सुरु हुँदैछ ।
विश्वमै चर्चित बन्दै गएको एनपिएलको उदघाटन प्रधानमन्त्री बालेन शाहले गर्ने भएका छन् ।
प्रतियोगिताको उदघाटनका लागि प्रधानमन्त्री शाह दिउँसो त्रिभुवन विश्वविद्यालय स्थित क्रिकेट मैदान पुग्ने तयारीमा रहेको प्रधानमन्त्रीका प्रेस तथा अनुसन्धान विज्ञ दीपा दाहालले जानकारी दिएकी विभिन्न मिडिया रिपोर्टमा उल्लेख रहेका हुन् ।
एनपीएललाई प्रधानमन्त्री शाहले नेपालको सबैभन्दा ठूलो खेलकुद प्रतियोगिताका रूपमा उल्लेख गर्दै नेपाली क्रिकेटको सफलताको कामना गरे ।
प्रधानमन्त्री शाहले सामाजिक सञ्जाल फेसबुक मार्फत प्रतियोगितामा सहभागी नेपाली तथा विदेशी खेलाडी, कमेन्टेटर, आयोजक र नेपाल क्रिकेट संघ (क्यान) लाई शुभकामना दिए ।
उनले एनपीएल छोटो अवधिमै ठूलो खेलकुद उत्सवका रूपमा विकसित भएको उल्लेख गर्दै प्रतियोगिताले नेपाली क्रिकेटको विकास र प्रवद्र्धनमा योगदान पुर्याउने विश्वास व्यक्त गरे ।
प्रधानमन्त्री शाहले प्रतियोगितामा सहभागी हुन नेपाल आएका सम्पूर्ण अन्तर्राष्ट्रिय खेलाडी तथा कमेन्टेटरलाई स्वागत गर्दै नेपाली खेलाडी, आयोजक र क्यानलाई प्रतियोगिताको सफलताका लागि शुभकामना दिए ।
एनपीएलले नेपाली क्रिकेटप्रति दर्शकको आकर्षण बढाउनुका साथै अन्तर्राष्ट्रिय स्तरमा नेपालको क्रिकेट पहिचान विस्तार गर्न सहयोग पुग्ने अपेक्षा गरिएको छ । प्रतियोगिताको सुरुवातसँगै नेपाली क्रिकेट प्रेमी माझ उत्साह बढेका छन् ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन