साँकेतिक तस्वीर
रौतहट, १२ कार्तिक । विभिन्न सामानहरु पुर्याउने बहानामा गौर कारागारमा चलिरहेको लागुऔषधको गोरखधन्धाको पर्दाफास भएको छ ।
रौतहट सदरमुकाम गौर स्थित कारागार भित्र चलिरहेका लागुऔषधको अबैध कारोवारलाई सुरक्षामा तैनाथ नेपाल प्रहरीले उक्त कारोवारको पर्दाफास गरेको हो ।
कैदीबन्दीलाई कपडा पुर्याउने बहानामा झोला भित्र नाइट्राजोम–१० नामक लागुऔषध ट्याब्लेट प्रहरीले बरामद गरेको छ । उक्त सामान ल्याउने एक जनालाई प्रहरीले नियन्त्रणमा लिएर आवश्यक अनुसन्धान सुरु गरेको छ ।
जिल्ला प्रहरी कार्यालय रौतहटले जारी गरेको प्रेस नोटमा गौर नगरपालिका–३ स्थित कारागारमा लागूऔषध मुद्दामा बन्दी जीवन बिताइरहेका रुपेश कुमार यादवलाई दिन ल्याइएको कपडाको झोला चेकजाँच गर्दा NITRAZOHM-10 लेखिएको १० थान ट्याब्लेट फेला बरामद भए ।
उक्त ट्याब्लेट बरामद भएपछि कारागार सुरक्षामा खटिएको प्रहरी टोलीले रौतहटको माधवनारायण नगरपालिका–३ निवासी ३० वर्षीय अनिल कुमार यादवलाई नियन्त्रणमा लिएको प्रहरीले बताए ।
बरामद ट्याब्लेट र पक्राउ परेका यादवको सम्बन्धमा लागु औषध तर्फ आवश्यक अनुसन्धान भइरहेको प्रहरीले जनाए ।
स्मरणीय छ की, कारागारभित्र कैदी बन्दीलाई पुर्याइने सामग्रीको सुरक्षा जाँचका क्रममा लागूऔषधजन्य ट्याब्लेट फेला पर्नुले कारागारको सुरक्षा व्यवस्थामा निगरानी र सतर्कता आवश्यक रहेको देखाएको छ । यसले विगतमा पनि लागुऔषधको कारोवार कारागार भित्र भईरहेको कार्यलाई पुष्टि गर्ने शंका उब्जाएको हुँदा गहन छानविन गर्नुपर्ने देखिन्छ ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन