रौतहट, ३ कार्तिक । दल बदल गर्ने जनता समाजवादी पार्टी नेपालका १८ जना स्थानीय तहका जनप्रतिनिधिको पदलाई निर्वाचन आयोगले रिक्त गरेका छन् ।
निर्वाचन आयोगले जनता समाजवादी पार्टी, नेपाल (जसपा) बाट निर्वाचित भई दल त्याग गरेका १८ जना स्थानीय तहका जनप्रतिनिधिको पद रिक्त भएको जनाएका हुन् ।
आयोगले २०८३ मंसिर २ गतेको निर्णयअनुसार राजनीतिक दल सम्बन्धी ऐन, २०७३ को दफा ३२ र राजनीतिक दलसम्बन्धी नियमावली, २०७४ बमोजिम उनीहरूको पद रिक्त भएको सार्वजनिक रुपमा जारी सूचनामा उल्लेख गरिएको छ ।
२०७९ सालको स्थानीय तह निर्वाचनमा जसपा नेपालबाट निर्वाचित भएका जनप्रतिनिधिले पार्टीको नीति, सिद्धान्त र निर्णयविपरीत कार्य गर्दै दल त्याग गरेको भन्दै पार्टीको केन्द्रीय समन्वय समितिले आयोगमा जानकारी गराए ।
पद रिक्त हुनेमा सिराहाको लहान नगरपालिकाका उपप्रमुख रामचरितर महतो, सखुवानान्कारकट्टी गाउँपालिका–४ का वडाध्यक्ष रमेश कुमार यादव र धनगढीमाई नगरपालिका–७ का वडाध्यक्ष विजय कुमार महतो रहेको छ ।
पर्साको कालिकामाई गाउँपालिका–१ का वडाध्यक्ष लालबाबु राउत बरै र वडा नं. ३ का वडाध्यक्ष संजय कुमार पटेल पनि पदमुक्त भए । खोटाङका जिल्ला समन्वय समिति प्रमुख सनबहादुर राई र केपिलासगढी गाउँपालिकाका उपाध्यक्ष गुरुराज राईको पद रिक्त भएको आयोगले जनाए ।
यसैगरी दिक्तेल रुपाकोट मझुवागढी नगरपालिकाका नगर कार्यपालिका सदस्य वीरेन्द्र कुमार दर्नाल, वडा नं. १० का वडाध्यक्ष मुगा धन राई, वडा महिला सदस्य कल्पना राई, दलित महिला सदस्य गीता विक तथा वडा सदस्य रामधन राई र शहरमनी राईको पद रिक्त भए ।
इलामको माङसेबुङ गाउँपालिकाका उपाध्यक्ष विनोद कुमार नेम्वाङ, सन्दकपुर गाउँपालिका–४ का वडाध्यक्ष ढालबहादुर गुरुङ, भोजपुरको टेम्केमैयुङ गाउँपालिका–२ का वडाध्यक्ष बालचन्द्र राई र उदयपुरको लिम्चुङबुङ गाउँपालिका–४ का वडाध्यक्ष छत्रबहादुर राईको पद भएको छ ।
आयोगको निर्णय सँगै सम्बन्धित १८ जनप्रतिनिधिले स्थानीय तहमा निर्वाचित पद गुमाएका छन् ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन