रौतहट, ४ मंसिर । लामो समय देखि प्रतिक्षा भइरहेका प्रधानमन्त्री बालेन्द्र शाहको भारत भ्रमणको औपचारिक रुपमा डुंगो लागेका छन् ।
आउदो आईतवार देखि प्रधानमन्त्री शाहको भारतको दुई दिने राजकिय भ्रमणमा जाने सेडुल सार्वजनिक भएपछि प्रतिक्षाको घडी समाप्त भएका हुन् ।
भारतीय प्रधानमन्त्री नरेन्द्र मोदीको मैत्रीपूर्ण निमन्त्रणामा प्रधानमन्त्री शाह मंसिर ६ र ७ गते भारत भ्रमणमा जाने सबै औपचारिक तयारी पुरा भएको छ ।
परराष्ट्र मन्त्रालयका सचिव अमृतबहादुर राईले शुक्रबार सिंहदरबारमा आयोजित पत्रकार सम्मेलन मार्फत प्रधानमन्त्री शाहको भारत भ्रमणबारे औपचारिक जानकारी दिए । सचिव राईले प्रधानमन्त्री शाह मंसिर ६ गते आइतबार दिउँसो १ः४५ बजे नेपाल वायुसेवाको नियमित उडान मार्फत भारत प्रस्थान गर्ने कार्यक्रम रहेको बताए ।
प्रधानमन्त्रीको भ्रमण टोलीमा अर्थमन्त्री डा. स्वर्णिम वाग्ले, परराष्ट्रमन्त्री शिशिर खनाल, प्रधानमन्त्रीका मुख्य सल्लाहकार, राजनीतिक सल्लाहकार सहित उच्चपदस्थ सरकारी अधिकारीहरू सहभागी रहनेछन् ।
परराष्ट्र सचिव राईले भारत भ्रमणमा प्रधानमन्त्री सहित कुल ३४ सदस्यीय टोली सहभागी हुनेछ । प्रधानमन्त्री शाहको यस भ्रमणलाई नेपाल–भारतबीचको द्विपक्षीय सम्बन्ध, आपसी सहकार्य र उच्चस्तरीय कूटनीतिक संवादका दृष्टिले अति महत्वपूर्ण रूपले नेपाल र भारतको राजनीतिक वृत्तमा हेरिएको छ ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन