जनकपुरधाम, १२ माघ । मधेश प्रदेशको राजधानी जनकपुरधाममा बुधवार भईरहेको राष्ट्रिय सभाको निर्वाचनमा ६ जना अनुपस्थित भएको छ ।
जनकपुरधाम स्थित महेन्द्रनारायण स्मृति प्रतिष्ठानको भवनमा भएको निर्वाचनमा मधेश प्रदेशमा ३ सय ६६ जनाले मतदान गरेको हो ।
निर्वाचन अधिकृत ब्रजेस प्याकुरेलको अनुसार कुल ३ सय ७२ मतदाता मध्ये ३ सय ६६ जनाले मतदान गरेको छ भने ६ जना मतदाता अनुपस्थित भए । दुई जना प्रदेश सांसद, दुई जना मेयर र २ जना उप मेयरले मतदान नगरेको उनले बताए ।
प्रदेशमा सत्ता गठबन्धनबाट नेकपा माओवादी केन्द्रकी उर्मिला अर्याल महिला समूहमा र जनता समाजवादी पार्टी (जसपा) बाट मोहम्द खलिद सिद्दिकीले अन्य समूहमा उम्मेदबारी दिएका छन् ।
यस्तै, लोकतान्त्रिक समाजवादी पार्टी (लोसपा) बाट महिला समूहमा रुपा कुमारी यादव र नेकपा एमालेबाट अन्य समूहमा उस्मान अन्सारीले उम्मेदबारी दिएका छन् । लोसपा र एमालेले चुनावी गठबन्धन गरेका छन् । निर्वाचन सम्पन्न भएपछि ३ः३० बजेबाट मतगणनाको प्रकृया सुरु गरिएको निर्वाचन अधिकृत प्याकुरेलले बताए ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन