पर्सा, १६ माघ । राष्ट्रिय एकता अभियान नामक गैरसरकारी संस्थाले चिनियाँ हस्तक्षेप विरूद्ध वीरगञ्जमा प्रदर्शन गरेको छ ।
पर्सा जिल्लाको वीरगञ्ज स्थित घण्टाघरमा भएको प्रदर्शनको क्रममा चिनियाँ राष्ट्रपति सी चिङपिङ विरूद्ध चर्को नाराबाजी लगाइएको थियो । प्रदर्शनको क्रममा अभियानका अभियन्ताहरुले चीन सरकार मुर्दाबाद, चिनियाँ हस्तक्षेप बन्द गर, सीमा अतिक्रमण बन्द गर, अघोषित नाकाबन्दी खुला गर र नेपाली विद्यार्थीहरुको पढाइ सुचारु गर लागयतका नारा समेत लगाएका थिए । त्यस्तै नेपालको आन्तरिक मामिलामा अनावश्यक रुपमा गरिरहेको बाह्य एवं आन्तरिक हस्तक्षेपको अभियन्ताहरुले निन्दा गर्दै “गो ब्याक चाइना” लगायतका प्ले कार्ड बोकेर पनि चीनविरुद्ध प्रर्दशन गरिएको छ ।
अभियान निकट राष्ट्रिय विधार्थी परिषद्का केन्द्रीय संयोजक विवेक कुशवाहाको नेतृत्वमा भएको प्रदर्शनमा चिनियाँ राष्ट्रपति सी चिङपिङको पुतला पनि दहन गरियो । चिनिया राजदूत होउ यान्छीको सक्रिय राजनीतिक भेटघाटले चिनियाँ प्रभाव परेको सजिलै बुझ्न सकिने परराष्ट्र मामलाका जानकार तथा विश्लेषकहरुको भनाइ छ ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन