एमसीसी पास हुन नदिन चिनियाँ चलखेल, २ दिनमा ६ नेता संग भर्चुअल वार्ता

294 Shares

काठमाडौं, १८ माघ । सत्तारुढ गठबन्धनको गत शनिवार बालुवाटारमा बसेको बैठकमा सदनमा एमसीसीलाई टेवुल गरेर पास गराउने गोप्य सहमतीलाई प्रचण्डको विश्वासपात्र मानिएका सभामुख अग्नी सापकोटाले खुस्काएपछि चिनियाँ चलखेल बढेको छ ।
दुई दिनमा ६ जना कम्युनिष्ट नेताहरु संग चिनियाँ कुटनितिक अधिकारीहरुले वार्ता गरेर कुनै पनि अवस्थामा एमसीसी पास हुन नदिन कडा सन्देश दिएका छन् ।
सोही क्रममा नेकपा माओवादी केन्द्रका अध्यक्ष पुष्पकमल दाहाल प्रचण्डसँग आइतबार चिनियाँ कम्युनिस्ट पार्टीका विदेश विभाग प्रमुख सुङ थाओले भर्चुअल वार्ता गरे । यो वार्ता बिना कुनै तयारी अकस्मात थियो ।
जब नेपालमा अमेरिकी सहायता परियोजना एमसीसी (मिलेनियम च्यालेञ्ज कर्पोरेशन) संसदबाट पारित गराउने सहमती सत्ता गठबन्धन भयो तब चीन एकाएक सक्रिय भएको हो । यसैको स्वरुप चिनियाँ कम्युनिस्ट पार्टी उच्च नेताले प्रचण्डलाई भर्चुअल कुराकानी गरे । कुराकानीमा चिनियाँ नेता थाओले बेल्ट एन्ड रोड अवधारणा बीआरआईको कुरा गरेर अमेरिकी एमसीसी सम्झौता अगाडि नबढाउन कडा सन्देश दिएको बुझिएको छ ।
“नेपाल सँग बेल्ट एन्ड रोड अवधारणा (बीआरआई) को फ्रेम वर्क भित्र रहेका प्रमुख परियोजनालाई व्यवहारिक कार्यान्वयनमा लैजान चीन चाहन्छ” चिनियाँ नेताले प्रचण्डलाई भने । उनले अप्रत्यक्ष रुपमा एमसीसी अगाडि नबढाउन र बीआरआईमा केन्द्रीत हुन प्रचण्डलाई भनेका छन् ।
बीआरआईमा जोड दिएका चिनियाँ नेताले माओवादी केन्द्र सँग अझै गहिरो सम्बन्ध सीपीसीले चाहेको छ, पार्टी—पार्टीबीचको सम्बन्ध सुदृढ गर्दै चीन—नेपाल मित्रता तथा क्षेत्रीय शान्ति र स्थिरताका लागि अझै बढी योगदान गर्न चीन चाहेको उल्लेख गरे । क्षेत्रीय शान्ति भनेर उनको संकेत एमसीसी तिर थियो । चिनियाँ विदेश विभाग प्रमुख थाओले प्रचण्ड सँग मात्र नभई पछिल्लो दुई÷तीन दिनमा ६ जना नेतासँग कुरा गरेका छन् ।
सत्ता गठबन्धनमा एमसीसी अगाडि बढाउने सहमति भएसँगै सक्रिय भएका चिनियाँ विदेश विभाग प्रमुख थाओले प्रचण्ड सँगै माधव नेपाल, नारायणकाजी श्रेष्ठ, सभामुख अग्नि सापकोटा, माओवादी नेताहरु वर्षमान पुन र जनार्दन शर्मा सँग बेग्ला बेग्लै कुरा गरेर एमसीसी कुनै हालतमा पास हुनु हुँदैन भनेर त्यसको लागि माहोल सिर्जना गर्न खोजेको सत्ता गठबन्धनका एक नेताले बताए ।
त्यसवापत माओवादी नेताहरुलाई चुनावमा सघाउने प्रतिबद्धता चिनियाँ नेताले गरेको छ । माओवादीसँग सहकार्य अझै बढाउने र निर्वाचनमा खुला रुपमा सघाउने आश्वासन नेताहरुलाई सीपीसीले दिएको छ । तर एमसीसी अगाडि नबढाउन दबाब बढाएको छ ।


कसरी सक्रिय भए चिनियाँ ?


शनिबार बालुवाटारमा प्रधानमन्त्री देउवा, प्रचण्ड र माधव नेपालबीच भएको छलफलमा एमसीसीलाई टेबुल गर्ने र पास गराउन अगाडि बढ्ने समझदारी भएको थियो । एमसीसीका कारण गठबन्धन नै टुट्ने भएपछि प्रचण्डले माधवलाई एमसीसीमा कन्भिन्स गराएका थिए । गठबन्धन टुट्यो भने चुनावमा अपेक्षित परिणाम नआउने र नराम्रो हार व्यहोर्नुपर्ने भयका कारण गठबन्धन टुट्न नदिन एमसीसी अगाडि बढाउन सहमत भएका थिए ।

त्यसअनुसार प्रचण्डले सभामुख अग्नि सापकोटालाई एमसीसी टेबल गर्न आग्रह गरेका थिए । बहुमत पुगे पास हुन्छ नभए फिर्ता हुन्छ, संसदमा भने अगाडि बढाउन प्रचण्डले सापकोटालाई भनेका थिए । तर चीन निकट मानिने सापकोटाले यो कुरा चिनियाँ राजदूत होउ यान्छीलाई जानकारी गराए । “प्रचण्ड एमसीसी पास गर्ने तयारीमा छन् । गठबन्धन टुट्छ भन्ने डर छ । मलाई एमसीसी अगाडि बढाउ भनेका छन्,” भनेर उनले राजदूत यान्छीलाई भने । लगत्तै चिनियाँ राजदूतले यो कुरा बेइजिङ पुर्याइन ।
चिनियाँ कम्युनिस्ट पार्टीका नेता एकाएक सक्रिय भए । सत्ता गठबन्धनका कम्युनिस्ट नेतालाई भर्चुअल सम्वाद गर्दै दुई दिन भित्र चिनिया विदेश विभाग प्रमुखले ६ नेतासँग कुरा गरे । एमसीसी रोक्न दबाब दिएका छन् । यो दबाबमा सत्ता गठबन्धनका प्रमुख नेता प्रचण्ड परेका छन् । एकातिर चीनले आफू प्रति देखाएको सदभाव छ भने अर्कोतिर गठबन्धन टुट्ने र आफ्नो राजनीति नै सक्किने भय प्रचण्डलाई छ । अर्कोतिर अमेरिका सँग सम्बन्ध बिग्रिने तनाव छ । तेहरो चेपुवामा परेका प्रचण्डले अब कसरी निकास देलान आउदो समयले देखाउने छ ।
एमसीसी टेबल गरेर नतिजा स्वीकार्ने निर्णयमा पुगेका प्रचण्डलाई उनकै विश्वास पात्र अग्नि सापकोटाले चिनियाँलाई कुरा लाइदिएर प्रचण्ड अहिले अप्ठयारोमा परेका छन् ।

प्रतिक्रिया

सम्बन्धित समाचार

Terai Top एउटा समाचारमुखी प्लेटफर्म जस्तो देखिन्छ, जहाँ स्थानीय घटना, सामाजिक विषय, राजनीति, सुरक्षा, अपराध समाचार र दैनिक जीवनसँग जोडिएका अपडेटलाई प्राथमिकता दिइन्छ। यस्तो शैलीका सामग्री पाठकका लागि उपयोगी हुन्छन्, किनकि यहाँ सूचना केवल छिटो मात्र होइन, बुझ्न सजिलो तरिकाले प्रस्तुत गरिन्छ। यही कारणले डिजिटल सेवाहरू, नयाँ अनलाइन प्लेटफर्म र मनोरञ्जनसँग सम्बन्धित विषयमा पनि यस्तै स्पष्टता आवश्यक हुन्छ। अनलाइन मनोरञ्जनको क्षेत्रमा नयाँ क्यासिनो प्लेटफर्महरू लगातार देखा पर्छन्, तर सबै प्रस्ताव समान रूपमा भरपर्दा हुँदैनन्। Brandneue Online Casinos सम्बन्धी जानकारी हेर्दा बोनस, भुक्तानी विकल्प, लाइसेन्स, प्रयोगकर्ता अनुभव र निकासी प्रक्रियाजस्ता पक्षलाई ध्यान दिनुपर्छ refpolk.de. यसले नयाँ देखिने साइट साँच्चै उपयोगी छ कि केवल आकर्षक प्रचारमा सीमित छ भन्ने कुरा छुट्याउन सजिलो बनाउँछ। Terai Top को समाचार शैली र नयाँ अनलाइन क्यासिनोहरूको विषयबीच मुख्य समानता भनेको अद्यावधिक र स्पष्ट जानकारीको आवश्यकता हो। समाचार होस् वा डिजिटल मनोरञ्जन, सही निर्णयका लागि सतही दाबीभन्दा तथ्य, नियम र विश्वसनीयता बढी महत्त्वपूर्ण हुन्छ।