काठमाडौं, २८ माघ । नेपालको चीन सँग जोडिएको सीमा विवादका विषयमा वास्तविकताका आधारमा उपयुक्त समयमा आधिकारिक घारणा बाहिर ल्याउने नेपाल सरकारले जनाएको छ ।
मन्त्रि परिषद्को निर्णय सार्वजनिक गर्न आयोजित पत्रकार सम्मेलनमा सरकारका प्रवक्ता एवम् सञ्चार तथा सूचना प्रविधि मन्त्री ज्ञानेन्द्रबहादुर कार्कीले चीन सँगको सीमा विवादका विषयमा यथार्थ रिपोर्ट र वास्तविकताका आधारमा धारणा बाहिर ल्याउने बताएको हो । उनले कुनै रिपोर्टको आधारमा नभएर वास्तविकताको आधारमा चाँडै सरकारले चीन सँगको सीमा विवादबारे यथार्थ धारणा ल्याउने स्पष्ट पारे ।
मन्त्री कार्कीले देउवा सरकार छिमेकीहरु सँग सीमा समस्या आउन नदिनका लागि प्रयत्नशील रहेको पनि बताए । उनले भने, “चीनसँगको सीमा विवादको सम्बन्धमा सरकारले रिर्पोटहरूको आधारमा होइन, वास्तविकताको आधारमा उपयुक्त समयमा त्यसको वास्तविकतालाई राम्रो सँग अध्ययन गरेर आधिकारिक धारणा सार्वजनिक गर्ने छ ।”
यसैगरी राष्ट्रपति चुरे संरक्षण तराई–मधेश समितिका पदाधिकारीहरु पदमुक्त गरेको विषयमा समाचार प्रकाशन गर्ने सञ्चार माध्यम नै जिम्मेवार रहेको उहाँले बताए । “कुन–कुन सञ्चार माध्यममा के–के कुरा आउँछन्, त्यसको बारेमा समाचार प्रकाशन गर्ने सञ्चारमाध्यम नै जिम्मेवार हुन्छन् ।” उनले भने ।
प्रवक्ता कार्कीले भारत र चीन सँगको सीमा समस्यालाई कुटनीतिक माध्यमबाट सरकारले समाधान गर्ने गृह कार्य गरिरहेको जानकारी दिए ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन