सर्लाही, १३ चैत । सर्लाही बस दुर्घटनामा परेर मृत्यु भएको चार जना मध्ये दुईको पहिचान भई सनाखत भएको छ ।
मृतकमध्ये सिन्धुलीको तिनपाटन गाउँपालिका–२ घर भएकी ३० वर्षीया शर्मिला कार्की श्रेष्ठ र भारतीय नागरिक अन्दाजी २४ वर्षीय सुनिल यादवको सनाखत भएको हो । प्रहरीका अनुसार मृतक श्रेष्ठ तीन महिने सुत्केरी हुन् । दुर्घटनामा उनकी तीन महिने छोरी अवासी श्रेष्ठ भने सामान्य घाइते मात्र रहेको जिल्ला प्रहरी कार्यालय मलंगवाले जनाएको छ । तिन महिने नवजात बच्चीको लालबन्दी स्थित मोडेल अस्पतालमा उपचार भईरहेको बताइएको छ ।
अझै एक महिला सहित दुई मृतकको भने पहिचान खुल्न बाँकी रहेको छ । उनीहरुको पहिचान खुलाउने प्रयास भईरहेको छ । मृतक ४ जनाकै शव पोष्टमार्टमका लागि मलंगवा स्थित अस्पतालमा राखिएको छ ।
दुर्घटनामा परेर बसका चालक सहित ३२ जना घाइते भएको प्रहरीले भएका थियो । बाराको कलैया उपमहानगरपालिका–१२ निवासी घाईते बसका चालक ४८ वर्षीय ज्योतिप्रसाद साहको प्रहरी निगरानीमा उपचार भईरहेको डिएसपी माधवप्रसाद बुढाथोकीले बताए ।
घाईतेमध्ये गम्भीर १० जनालाई काठमाडौं, वीरगञ्ज, बर्दिवास तर्फ थप उपचारका लागि पठाईएको छ भने सामान्य घाईते २२ जनाको भने लालबन्दी र रानिगंज, हरिवनका विभिन्न स्वास्थ्य केन्द्रहरुमा उपचार भईरहेको उनले बताए ।
फुलजोर पुल साँघुरो हँुदा विपरीत दिशाबाट आइरहेको टाटासुमोलाई साइड दिन खोज्दा बस पुलबाट तल खसेको दुखद दर्घटना भएको छ । दुर्घटनाका कारण पत्ता लगाउन थप अनुसन्धान भईरहेको डिएसपी बुढाथोकीले जानकारी दिए ।
घाईत र मृतकको नामावली यसरी छ ।





बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन