सर्लाही, १७ चैत । पूर्व पश्चिम राजमार्ग अन्तर्गत पर्ने सर्लाही लालबन्दी नगरपालिकामा बुधवार राति भारतीय नम्वरको कार दुर्घटना हुँदा एक भारतीय नागरिकको मृत्यु भएको छ ।
बीआर ०६ बीएम १५३७ नम्वरको भारतीय नम्वरको कार गएराति १० बजेको समयमा लालबन्दी नगरपालिका वडा नम्वर १७ स्थित कालिञ्जोर पुल छेउमा दुर्घटना हुँदा घटनास्थलमै एक जनाको मृत्यु भएको छ भने पाँच भारतीय नागरिक घाईते भएको हो ।
भारतको सोनवर्षाबाट मलंगवा नाका भएर नेपाल भित्रिएको कार नवलपुर हुँदै पूर्वतर्फ जाँदै गरेको अवस्थामा पुर्व पश्चिम राजमार्गमा पर्ने कालिञ्जोर पुल छेउमा दुर्घटना भएका थिए । दुर्घटनामा कार चालक भारतको सीतामढी जिल्ला बयलडाबड धनुषी २ निवासी २२ वर्षीय नवीन यादवको मृत्यु भएको जिल्ला प्रहरी कार्यालय मलंगवाले जनाएको छ । गम्भीर घाईते यादवलाई उपचारका लागि गढिमाई अस्पताल लालबन्दी पुर्याएपछि चिकित्सकले मृत घोषणा गरेको प्रहरी प्रवक्ता एवं डिएसपी माधवप्रसाद बुढाथोकीले जानकारी दिए ।
उक्त कार दुर्घटनामा मृतक चालककै गाउँका २७ वर्षीय अतुल कुमार, १९ वर्षीय उमेश भन्ने दिवयान्स यादव, २८ वर्षीय प्रिन्सराज राजपुत, २२ वर्षीय बजरङ्गी भन्ने शौरव यादव र भारत मुजफ्फरपुर रामनगर १ बस्ने २५ वर्षीय अजित यादव घाइते भएका छन् । उनीहरुमध्ये २७ वर्षीय अतुल कुमारको अवस्था गम्भीर रहेको उनले भने । घाइते पाँचै जनाको गढिमाई अस्पताल लालबन्दीमा उपचार भईरहेको छ ।
प्रहरीको प्रारम्भीक अनुसन्धानमा अत्याधिक तिव्र गतिमा गुडिरहेको कार विपरीत लेनमा सडकबाट दक्षिणतर्फ १० फिट तल खसेर दुर्घटना भएको डिएसपी बुढाथोकीले बताए । घटना सम्बन्धमा अनुसन्धान जारी रहेको प्रहरीले उनले भने ।
तिन दिन अघि वीरगञ्जबाट जनकपुर तर्फ गईरहेका यात्रुबाहक बस फुलजोर पुलमा टाटा सुमोलाई साइड दिने क्रममा पुलबाट खसेर दुर्घटना हुँदा ४ जनाको घटना स्थलमै मृत्यु भएका थिए । ३२ जना घाईतेहरुलाई सर्लाही, वीरगंज, जनकपुर र काठमाडौंमा उपचार जारी रहदै पुन कार दुर्घटना भएपछि ट्राफिक प्रहरीको निगरानी फितलो भएको चौतर्फी आरोप अहिले लागिरहेको छ ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन