राधेश्याम कुशवाहा
सर्लाही, २२ चैत । हालै नियुक्त हुनु भएका राष्ट्रिय भूमि आयोगका अध्यक्ष तथा सदस्यहरुले सर्लाहीको प्रमुख जिल्ला अधिकारी संग सोमवार भेटघाट गरेर भूमि सम्बन्धि जनताहरुको गुनासोलाई कसरी सम्बोधन गर्ने बिषयमा छलफल गरिएको छ ।
आयोगको सर्लाही जिल्ला अध्यक्ष सहितका पदाधिकारीहरुले प्रजिअ थानेश्वर गौतम संग जिल्ला प्रशासन कार्यालय मलंगवामै भेटेर परिचय एवं जिल्लाको अवस्था बारेमा छलफल गरेको हो । नियुक्ति पाएपछि आयोगका अध्यक्ष एवं सदस्यहरुले प्रजिअ गौतमसँग भेटघाट गरेर कामकाजलाई कसरी अगाडि बढाउने विषयमा छलफल गरेका छन् ।
संघीय सरकारले केही दिअघि मात्र राष्ट्रिय भूमि आयोग सर्लाहीको अध्यक्षमा बरहथवा नगरपालिका अन्तर्गत चन्द्रप्रकाश वाग्लेलाई नियुक्त गरेका थिए । त्यस्तै, आयोगको सदस्यहरुमा ईश्वरपुरका मदन विश्वकर्मा, चन्द्रनगरका रणधीर यादव र बागमतीकी अन्जु पौडेल नियुक्त गरेको थियो ।
आयोगले सर्लाहीमा भूमिहिन सुकुम्वासीलाई जग्गा उपलब्ध गराउने देखि अव्यवस्थित बसोवास गर्नेहरुलाई व्यवस्थिति बनाउने, बसोवासका लागि आवश्यक प्रवन्ध मिलाउने कामको सुरुआत गर्ने भएका छन् । आयोगको जिल्ला समितिमा नापी कार्यालयका प्रमुख सदस्य सचिव तथा जिल्ला समन्वय समिति, जिल्ला प्रशासन, भूमिसुधार तथा मालपोत र वन कार्यालयका अधिकृत स्तरका कर्मचारी सदस्य रहने छन् ।
राष्ट्रिय भूमि आयोगको यसअघिको समितिले लालबन्दी, हरिवन, ईश्वरपुर, बागमती, हरिपुर, बरहथवामा भूमिहिन सुकुम्वासी तथा अव्यवस्थित बसोवासको फारम भर्ने काम गराइसकेको बताइएको छ ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन