काठमाडौं, २८ चैत । चार बर्ष सम्म सशस्त्र प्रहरीको सर्बोच्च पद (आइजीपी) मा बसेर सोमवार शैलेन्द्र खनाल सेवा निवृत्त हुनु भएको छ ।
सशस्त्र प्रहरी बल नेपालको प्रहरी महानिरीक्षक पदमा आसिन खनाल उमेर हदबाट आजबाट विधिवत रुपमा सेवा निवृत्त हुनु भएको हो । खनाल सेवा निवृत्त भएपनि रिक्त स्थानमा कसलाई महानिरीक्षक बनाउने कुरामा अहिले सम्म टुंगो नलाग्दा सशस्त्र प्रहरी बल नेतृत्वविहिन बनेका छन् ।
खनाले २०७४ चैत २७ गते सशस्त्र प्रहरी बल नेपालको आइजीपी पदमा नियुक्त हुनु भएका थिए । उमेरको हदबाट उनी चार बर्षे कार्यकाल पुरा गरेर अवकाश पाएपनि सो पदमा नेपाल सरकारले नयाँ आइजीपीको टुंगो लगाउन नसक्दा सशस्त्र प्रहरी बल नेतृत्व विहिन बनेका हुन् ।
एआईजी रहेका दुईजना मध्येबाट सरकारले एक जनालाई सशस्त्र प्रहरी महानिरीक्षक नियुक्त गर्नेछ । नियुक्त हुनेको उमेर हदको हिसावले २१ दिनका लागि मात्रै नयाँ महानिरीक्षकमा एआईजी पुष्पराज केसी र रामशरण पौडलको दाबी छ । दुवैजना खनालकै ब्याचमेट हुन् । उमेर हदका कारण १९ वैशाखमा उनीहरूले अनिवार्य अवकाश पाउँदैछन् । त्यसपछि पुनः नयाँ नेतृत्व चयन गर्नुपर्ने देखिन्छ ।
नयाँ नेतृत्वका लागि बढुवा सिफारिस समितिले सिफारिस गर्नुपर्छ । सोही सिफारिसको आधारमा मन्त्रिपरिषद् बैठकले नयाँ नेतृत्व चयन गर्नेछ । तर, अहिले सम्म बढुवा सिफारिस समितिको बैठक बस्न सकेको छैनन । लोकसेवा आयोगका अध्यक्ष, प्रधानमन्त्री कार्यालयका सचिव र गृह सचिव नेतृत्वमा रहने बढुवा समितिले महानिरीक्षक सिफारिस गनुपर्ने कानुनी प्रावधान रहेको छ ।
२१ दिने कार्यकाल सकिएपछि नयाँ नेतृत्वका लागि तीब्र प्रतिस्पर्धा देखिएको छ । डीआईजीहरूहमा राजु अर्याल, नारायणदत्त पौडेल र चन्द्रप्रकाश गौतम आइजीपीको रेसमा अगाडी छन् । अर्याल र पौडेल २०५४ चैतमा नेपाल प्रहरीको प्रहरी निरीक्षकबाट सेवा प्रवेश गरेका थिए । गौतम भने २०५२ वैशाखमा नेपाली सेनाको सहायक सेनानीबाट आएका थिए । सशस्त्र प्रहरीको स्थापनासँगै उनीहरू २०५८ मा एकैपटक सशस्त्र प्रहरीमा स्थानान्तरण भएका थिए ।
हाल अर्याल पहिलो, पौडेल दोस्रो र गौतम तेस्रो वरीयतामा छन् । वरीयतामा चौथो नम्बरमा रहेका डिआइजी वंशीराज दाहाल पनि एआईजीको दौडमा छन् । सशस्त्र प्रहरी बलमा दुईजना मात्रै एआईजी रहने व्यवस्था छ ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन