इश्लामाबाद । पाकिस्तानको संघीय अनुसन्धान एजेन्सी (एफआईए) ले इमरान खानको पूर्व सल्लाहकार र मुख्य सचिव जस्ता अधिकारीहरुलाई पाकिस्तान छोड्नमा प्रतिबन्ध लगाएको छ ।
तत्कालिन प्रधानमन्त्री खानका विशेष सहयोगी शाहबाज गिल र शहजाद अकबर सहितका सहयोगीलाई “स्टप लिस्ट” राखेर विदेश जानमा प्रतिबन्ध लगाइएको पाकिस्तानी मिडियाहरुमा खबर प्रकाशित भएको हो ।
पूर्व मुख्य सचिव आजम खान, पीटीआईका सामाजिक सञ्जाल प्रमुख अर्सलान खालिद र मोहम्मद रिजवानको नाम उक्त लिस्टमा समावेश छ । पञ्जाब प्रान्तका महानिर्देशक गौहर नफीसको नाम पनि सूचीमा छ । शनिबार इमरान खानको सरकार पतन भएपछि उनको सहयोगी माथि कारबाही गरिदै विदेश जानमा रोक लगाएका छन् ।
यसअघि शनिबार अबेर राति नेशनल एसेम्बलीमा इमरान खान सरकार विरुद्धको अविश्वास प्रस्तावमा मतदान भएको थियो, जसमा १७४ सदस्यले प्रस्तावको पक्षमा मतदान गरेपछि खानको सरकार पतन भएको थियो ।
पाकिस्तानको इतिहासमा प्रधानमन्त्री विरुद्धको अविश्वासको प्रस्ताव सफल भएको यो पहिलो पटक हो । नयाँ प्रधानमन्त्रीले आगामी निर्वाचन सम्म अर्थात् अक्टोबर २०२३ सम्म पदमा रहने छन् ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन