मुम्वई । इण्डियन प्रिमियर लिग (आईपीएल) क्रिकेट अन्तर्गत सोमवार राति सम्पन्न कोलकाता नाइटराइडर्स विरुद्धको खेलमा राजस्थान रोयल्सले ७ रनको झिनो अन्तरबाट जित हासिल गरेको छ ।
जोस बटलरको शतक र यजुवेन्द्र चहलको ह्याट्रिक विकेटको मद्दतमा राजस्थानले जित हासिल गर्न सफल भएको हो ।
टस हारेर व्याटिंगको निमन्त्रणा पाएको राजस्थानले निर्धारित २० ओभरमा पाँच विकेटको क्षतिमा २१७ रनको योगफल नाइटराइडर्स सामु तयार पारे । राजस्थानको लागि ओपनर जोस बटलरले ६१ बलमा १०३ रन बनाए जुन यसपालि जारी आईपीएलमा दोस्रो शतक हो । यसैगरी कप्तान सन्जु स्यामसनले १९ बलमा ३८ रन योगदान गरे ।
बलिङतर्फ सुनिल नरेनले २ विकेट लिए ।
२१८ रनको विजय लक्ष्य पछ्याउने क्रममा कोलकाताका फिन्च र श्रेयस अय्यरले दोस्रो विकेटका लागि १०७ रनको साझेदारी गरे । फिन्चले २८ बलमा ५८ र अय्यरले ५१ बलमा ८५ रन जोडे । नितिश राणाले १८ र उमेश यादवले २१ रन बनाए ।
म्याचको १७ औं ओभर सम्म कोलकाताको स्थिति मजबुत जस्तो देखिएको थियो । तर १७ औं ओभरको अन्तिम तीन बलमा युजवेन्द्र चहलले ह्याट्रिक विकेट लिएर खेल राजस्थानको पक्षमा पार्न सफल भए । चहलको नाममा ५ विकेट रह्यो । उनी प्लेअर अफ दी म्याच भए ।
चहलले श्रेयस अय्यर, शिवम मावि र प्याट कमिन्सलाई लगातार आउट गरेर ह्याट्रिक गरेका थिए । आईपीएलको इतिहासमा यो २१ औं ह्याट्रिक हो । राजस्थानको बलरले ह्याट्रिक विकेट लिएको भने यो पाँचौ पटक हो ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन