रौतहट, २१ पुस । सर्लाहीमा मोटरसाइकलको ठक्करबाट सोमवार राति एउटा हरिणको मृत्यु भएको छ ।
नयाँ रोड बरहथवा सडक खण्डमा उत्तरबाट दक्षिणतर्फ जाँदै गरेको प्रदेश १–०२–०४२ प ४००९ नम्बरको मोटरसाइकलले गए राति ठक्कर दिँदा हरिणको घटनास्थलमै मृत्यु भएको प्रहरीले जनाएको छ । हरिणलाई ठक्कर दिएपछि मोटरसाइकल पल्टिँदा त्यसका चालक सप्तरीको कञ्चनपुर नगरपालिका ११ बस्ने २२ वर्षीय सुनिल थापा सामान्य र पछाडी सवार सर्लाहीको हरिपुर नगरपालिका १ बस्ने २५ वर्षीय शिव कुमार महतोको टाउको र वायाँ कुममा चोट लागेको बताइएको हो ।
प्रहरीले मोटरसाइकल र मृतक हरिणलाई इलाका वन कार्यालय मुर्तीयाको टोलीलाई जिम्मा लगाइ पठाईएको जनाएको छ । दुबै घाइतेको हनुमन्ते अस्पताल बरहथवामा उपचार भइरहेको सर्लाहीका प्रहरी प्रजक्ता मदन कुँवरले जानकारी दिए ।
तिन दिन अघि बाराको आधाभार जंगलमा कारको ठक्करबाट बाघको मृत्यु भएका थिए । जंगल भएर राजमार्गमा यात्रुहरु एवं सवारी साधन चलाउदा संयमित भएर चलाउन, स्पीड कम गर्नुपर्ने तथा वनको दुई तर्फी तारवार लगाउनुपर्ने नितान्त आवश्यक भएको देखिन्छ ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन