रौतहट, १३ वैशाख । जिल्ला अनुगमन समिति तथा सुरक्षा अधिकारीहरुकै मिलोमतोमा सलाहीमा अबैध क्रशर उद्योगहरु संचालनमा रहेका छन् ।
सर्लाही जिल्लाको वागमती नदीमा नियम विपरित अबैध रुपमा क्रसर उद्योगहरु संचालनमा रहेतापनि सुरक्षा अधिकारीहरु आँखा चिम्लेर बेखवर जस्तो प्रस्तुत हुने गरेका हुन् ।
बसबरिया गाउँपालिका १ मानपुर टोल स्थित वागमती नदीको भइसासुर घाटमा ऐन कानुनलाई मिच्दै तीन वटा अबैध मोबाइल क्रसर सञ्चालनमा रहेको पाइएको छ । गाउँपालिकाका प्रमुख र प्रशासकिय अधिकृत राम प्रगास यादवको समेत मिलोमतोमा बागमती नदी व्यापक रुपमा दोहन भइरहेको बुझिएको छ ।
तत्कालीन जिल्ला बिकास समितिले बागमती नदीबाट ढुङ्गा, गिटी, बालुवा र ग्राभल निकासी गर्न ४० लाखमा ठेक्कामा लगाउने गरेको थियो । तर नयाँ संरचनामा आएपछि बसबरिया गाउँपालिकाले जिबिसकै आइइलाई आधार मानेर कानुन बिपरित बागमतीको ठेक्का लगाएर केही निर्माण ब्यावसायीको मिलोमतोमा नदीमै अबैध मोबाइल क्रसर सञ्चालन गरेर दोहन गरिरहेको गम्भीर आरोप लागेको छ ।
बसबरिया गाउँपालिकाले भइसासुर घाटमा बाबा कन्स्ट्रक्सन मानपुर ५ सर्लाहीलाई १३ लाखमै बागमती नदीको ठेक्का दिएको छ । गापाको प्रमुख प्रशासकीय अधिकृत राम प्रगास यादवले कन्स्ट्रक्सनका सञ्चालक राम ज्ञान रायसंगको मिलोमतोमा सस्तोमा ठेक्का दिएका छन् । राम ज्ञानको नाममा रहेको भइसासुर कन्स्ट्रक्सनले पाएको ठेक्कामा स्थानीय सबै राजनीतिक दलका प्रतिनिधिहरुको पनि शेयर रहेको छ । सबै राजनैतिक दलको मिलोमतोमा सस्तोमा नै ठेक्का दिइएको स्रोतको दाबी छ ।
बागमती नदी अबैध दोहन गर्न र मोबाइल क्रसर सञ्चालन गर्नको लागि गाउँका करिब ५० जना भन्दा बढी र केही टाठाबाठाहरुको शेयर रहेको छ । ती सबै गाउँले अबैध दोहनमा सामेल भएपछि कोही गाउँलेले अबैध क्रसर सञ्चालनको विरोध गरेका छैनन् । स्थानीय सशस्त्र प्रहरी र नेपाल प्रहरीका युनिटलाई मिलाएर बागमती नदीमै दिनदहाडै अबैध मोबाइल क्रसर लगाएर खोला दोहन भईरहदा कोही बोलेका छैनन् ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन