सर्लाही, १६ वैशाख । सर्लाही प्रहरीले जिल्लाको विभिन्न स्थानहरुबाट लागु औषध गाँजा सहित प्रतिबन्धित कोडीवेल कफसिरफ संगै चार जनालाई नियन्त्रणमा लिएको छ ।
विशेष सुचनाको आधारमा ईलाका प्रहरी कार्यालय हजरियाको प्रहरी टोलीले बरहथवा नगरपालिका–२, हजरिया बजार निवासी ६० वर्षीय जयलाल महतोलाई १ किलो ७०० ग्राम गाँजा सहित नियन्त्रणमा लिएको हो ।
महतोको घर खानतलासी गर्दा कोठा भित्र लुकाई छिपाई राखेको अवस्थामा उक्त गाँजा बरामद् भएको जिल्ला प्रहरी कार्यालय मलंगवाले जनाएको छ । महतोलाई ईलाका प्रहरी कार्यालय बरहथवाको हिरासतमा राखेर लागुऔषध नियन्त्रण ऐन अन्तर्गत अनुसन्धान अगाडि बढाईएको प्रहरी प्रवक्ता एवं डिएसपी माधवप्रसाद बुढाथोकीले जानकारी दिए ।
यसैगरी सदरमुकाम मलंगवाबाट नवलपुर तर्फ जाँदै गरेको बा.५४ प ७९९४ नम्बरको मोटरसाईकल रोकी चेकजाँच गर्दा मोटरसाईकल चालक मलंगवा नगरपालिका–१२ गम्हरिया निवासी ३२ वर्षीय राम बिनय रायको साथबाट प्रतिबन्धित १०० एमएलको १८६ बोतल कोडीवेल कफसिरफको बोतल बरामद् भएको उनले भने । सँगै रहेको द्यच् घण् ऋ छद्धढढ नम्बरको भारतीय मोटरसाईकलमा सवार मलंगवा नगरपालिका–११ गम्हरिया निवासी ३१ वर्षीय जुमराति बैठा र २५ वर्षीय भुनेश्वर साहलाई समेत प्रहरीले नियन्त्रणमा लिए ।
ईलाका प्रहरी कार्यालय हरिपुर र लागूऔषध नियन्त्रण ब्युरो पर्साबाट खटिएको संयुक्त टोलिले पक्राउ गरेका अभियुक्तहरुलाई अनुसन्धान भईरहेको डिएसपी बुढाथोकीले बताए ।

बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन