रौतहट, १ जेठ । रौतहट जिल्लाको १८ पालिका मध्ये जारी रहेको ९ पालिकाको पछिल्लो मतपरिणाम अनुसार १२ जना वडाध्यक्ष निर्वाचित भएका छन् ।
गौर नगरपालिकाको वडा नम्वर १ र २ मा नेकपा एकिकृत समाजवादीको तर्फबाट लालबाबु चौधरी र विनोद जयसवाल निर्वाचित भएका हुन् । दुर्गा भगवती गाउँपालकाको वडा नम्वर १ र २ बाट नेपाली काँग्रेसको प्रदुम्न चौधरी र सुरेश चौधरी निर्वाचित भएका छन् भने चन्द्रपुर नपाको १ बाट नेपाली काँग्रेसको बलराम राउत र वडा नम्वर २ बाट माओवादीको बुद्ध लामा निर्वाचित भएको बताइएका छन् ।
मौलापुर नगरपालिकाको १ बाट माओवादीका जयनाथ कुशवाहा र २ बाट एमालेका श्रीभगवान पटेल, इशनाथ नपाको वडा नम्वर १ बाट लोसपाका विगु व्यास र वडा नम्वर ९ बाट एमालेको शेख खुशिद्दिन तथा राजदेवी नगरपालिका वडा नम्वर १ बाट नेकपा एसका रामनरेश यादव र वडा नम्वर ९ बाट महेन्द्र दास निर्वाचित भएकाहरुलाई निर्वाचत अधिकृतले विजयी भएका उम्मेदवारुलाई प्रमाण पत्र समेत वितरण गरिसकेको छ ।
रौतहट जिल्लामा मतगणना कछुवा गतिमा जारी रहेको अवस्था देख्दा आउदो ५ दिन सम्म मतगणना कार्य जारी रहने देखिन्छ । मतगणनाको कार्यलाई तिव्रता दिन उम्मेदवारहरुले सम्बन्धित निर्वाचन अधिकृतहरु संग आग्रह गरेको बताइएको छ





बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन