दुर्गा भगवती (रौतहट), ३ जेठ । रौतहटको दुर्गा भगवती गाउँपालिकाको अध्यक्षमा नेकपा माओवादी केन्द्रका उम्मेदवार शम्भु सिंह विजयी भएका छन् ।
नेकपा माओवादी केन्द्रको टिकटबाट दुर्गा भगवती गाउँपालिकाको अध्यक्ष पदमा उम्मेदवारी दिएका ४४ बर्षिय सिंहले ४२०४ मत प्राप्त गरी विजयी भएका हुन् । उनका प्रतिद्धन्दी नेपाली काँग्रेसका उम्मेदवार अरुणकुमार साहले २९८२ मत पाउन सके । सिंह संग साह १२२२ मतको फराकिलो अन्तरबाट पराजित भएका छन् ।

यसैगरी उपाध्यक्षमा नेकपा माओवादीको शिला देवीले २६७९ मत प्राप्त गरी उपाध्यक्षमा निर्वाचित हुनु भएकी छिन् । निजको प्रतिद्धन्दी नेपाली काँग्रेसको मञ्जुदेवी झाले २३५७ मत मात्र पाउन सकिन । शिला देवी संग मञ्जु ३२२ मतको अन्तरबाट पराजित भएकी छिन् ।
रौतहट जिल्लामै नेकपा माओवादी दुर्गा भगवती गाउँपालिका जित्न सफल भएका छन् । नेपाली काँग्रेसको किल्ला भत्काएर माओवादीले परचम लहराउन ठूलो चुनौती पार गर्दै उक्त स्थानमा पुगेको छ । नेपाली काँगे्रसको निवर्तमान अध्यक्ष र उपाध्यक्षलाई हराएर विजयी हाँसिल गरेको छ ।
नेकपा माओवादीको लागि रौतहट जिल्लामा दुर्गा भगवती पहिलो र अन्तिम हुने संकेत देखा परेको छ । अन्य पालिका जित्ने कुनै संकेत नदेखिएपछि दुर्गा भगवतीले माओवादीको साखलाई जोगाएको स्थानीयहरुको कथन रहेको छ ।
५ वटा वडा भएको दुर्गा भगवतीमा ३ वटा वडा नेपाली काँग्रेस र २ वटामा माओवादीले विजयी हाँसिल गर्न सफल भएको छ । वडा नम्वर १, २ र ५ मा प्रदुम्न चौधरी, सुरेश चौधरी र धर्मनाथ चौधरी पुन ः दोश्रो कार्यकालको लागि निर्वाचित भएका छन् भने वडा नम्वर ३ मत्सरीको अध्यक्षमा दोश्रो कार्यकालको लागि माओवादीका धर्मेन्द्रकुमार झा र वडा नम्वर ५ मा पहिलो पटक रामानन्द प्रसाद यादव निर्वाचित भएको निर्वाचन अधिकृतको कार्यालय दुर्गा भगवतीले जनाएको छ ।
निर्वाचन अधिकृत दिनेश रेग्मीका अनुसार रौतहटमै सवै भन्दा पहिला नतिजा दिनेमा दुर्गा भगवती अग्र पंक्तिमा आएको छ । अन्य पालिका भन्दा दुर्गा भगवतीमा निकै शान्तिपूर्ण रुपमा मतदान र मतगणना कार्य सम्पन्न गराउने कार्यमा साथ दिने दुर्गा भगवती गापाको बासिन्दाहरु सहित स्थानीय प्रहरी प्रशासन सवै प्रति रेग्मीले आभार व्यक्र गरे ।
तराई टपद्धारा बधाई तथा शुभकामना नयाँ जनप्रतिनिधिहरुलाई
गाउँ पालिका अध्यक्षमा निर्वाचित हुनु ठूलो कुरा भएपनि गाउँपालिको समग्र विकासमा सबै पक्ष, सबै पार्टी, सवै जनताहरुको राय सुझाव र सल्लाह लिएर अघि बढेमा अवश्य दुर्गा भगवतीको मुहार फेरिनेछ । जित भएमा नमात्तिनु र पराजय भएकोमा नआत्तिनु किन भने, जनताको मूल्याँकनमा शम्भु सिंंहलाई शतप्रतिशत नम्वर दिएको छ । चुनावी मैदानमा होमिदा एक जनाको जित हुन्छ बाकीको हार तर हारलाई हारको रुपमा नलिई जनताको आशिष सम्भेर शिरोधार्य गरी जनताको सेवामा लागेमा अवश्य पुन ः जनता जनार्दनले मुल्याँकन गर्ने भएको हुँदा हतोत्साह एवं मायुस नहुन सम्पूर्ण सबै संग तराई टपले आग्रह गर्दछ । आउदो ५ बर्षको लागि नव निर्वाचित भएका अध्यक्ष सहितका जनप्रतिनिधिहरुलाई सफल कार्यकालको कामना गर्दै बधाई तथा शुभकामना दिन चाहन्छ ।





बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन