रौतहट, ८ जेठ । वैशाख ३० गते सम्पन्न भएको स्थानीय तहको निर्वाचनबाट निर्वाचित हुनु भएका परोहा नगरपालिकाको उपमेयर सहितका पदाधिकारीहरुलाई आईतवार एक सामारोहका विच मेयर शेख वकिलले पद तथा गोपनियताको सपथ खुवाएका छन् ।
परोहा नगरपालिकाद्धारा लौकाहा स्थित माध्यमिक विद्यालयमा आयोजित नव निर्वाचित जनप्रतिनिधिहरुको सपथग्रहण समारोहमा उपमेयर सुगान्धी गिरी सहित ९ वटा वडाका अध्यक्ष सहित वडा सदस्य, महिला सदस्य सहितका निर्वाचित जनप्रतिनिधिहरुलाई मेयर शेख वकिलले खुला चौरमा नगरवासीको उपस्थितिमा सपथ खुवाएका हुन् ।


सपथ खुवाएपछि मेयर शेख वकिलले उपस्थित नगरवासी सहितका जनप्रतिनिधिहरुलाई सम्बोधन गर्दै निर्वाचनको वेलामा एक अर्काको विरुद्ध प्रचारवाजी गरेर चुनाव जित्ने मानसायमा भएपनि निर्वाचित भईसकेपछि हामी सबै एक हौं र सबै मिलेर नगरको प्रगति उन्नती र विकासको कार्यमा हातेमालो गरेर अघि बढ्नुपर्ने विचार व्यक्त गरे ।
शिक्षा, स्वास्थ्य, कृषि, बाटोघाटो लगायत धेरै काम गरिसकेका थियौ भने कतिपय कामहरु अधुरो रहेको हुँदा परोहा नगरपालिकाको जनचाहना अनुरुप उक्त कामहरुलाई निरन्तरता दिदै विकासोन्मुख बनाई समृद एवं सुखि नगरपालिका बनाउनुपर्ने जोड दिनुपर्यो । परोहाको विकासमा पार्टिगत स्वार्थ भन्दा माथि उठेर नगरवासीको हितमा काम गर्नुपर्नेमा जोड दिर्दै विभिन्न चुनौतीहरुलाई सामना गर्न सबै मिलेर अघि बढेमा मात्रै सबैको साथ र सबैको विकास हुने भएकोमा दलगत स्वार्थलाई थाँती राखेर मन वचन कर्मबाट एकताबद्ध भई जनताप्रति समर्पित हुनुपर्ने नव निर्वाचित जनप्रतिनिधिहरु संग आग्रह गरे ।
सो कार्यक्रममा नव निर्वाचित जनप्रतिनिधिहरुलाई प्रमुख प्रशासकीय अधिकृत महफुज आलम र इन्जिनियर दिपेन्द्र यादवले फुल माला, अबिर, गम्छा ओढाएर सम्मान गरिएका थिए ।



बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन